لاہور (خصوصی رپورٹ) اداکارہ مومل شیخ ایک بار پھر چھوٹی سکرین پر واپس آ گئی ہیں جو ان دنوں ڈائریکٹر سیدہ وجاہت حسین کی نئی ڈرامہ سریل ”سلسلے“ میں اہم کردار ادا کر رہی ہیں جس کی کاسٹ میں شگفتہ اعجاز‘ سیمی راحیل‘ جنیدخان‘ سارہ بھٹی‘ حبا بخاری اور منیب بٹ شامل ہیں۔ یہ امر قابل ذکر ہے کہ مومل شیخ جاوید شیخ کی صاحبزادی ہیں جنہیں ڈرامہ سیریل ”مراة العروس“ سے شہرت ملی تھی لیکن بعدازاں اپنی شادی اور پھر بالی وڈ کی فلم ”ہیپی بھاگ جائے گی“ میں مصروف ہونے کے باعث انہوں نے ٹی وی پر کام نہ کیا البتہ وہ کئی کمرشلز کر چکی ہیں۔ ڈرامہ سیریل ”سلسلے“ کی پروڈیوسر ارم بنت شاہد ہیں۔
