فتح جنگ (خصوصی رپورٹ) ممبر کور کمیٹی تحریک انصاف سابق ضلع ناظم میجر طاہر صادق نے حکو مت پا کستان کی جانب سے جاری کر دہ 100روپے کے سکے پر اسلا می جمہوریہ پاکستان کی بجا ئے صرف حکومت پاکستان کا لفظ درج نہ کر نے کو بھی ختم نبوت کی دفعات ختم کر نے کے سلسلے کی سازش کی ایک اور کڑی قرار دیتے ہوئے کہا ہے کہ اسلامی جمہوریہ کے لفظ کو ہٹا دیا گیا ہے جبکہ یہ پانچ روپے کے سکے پر موجود ہے کچھ عرصہ بعد اس کو بھی نادانستہ غلطی ہی تصور کیا جائے گا اور بات ختم کر دی جائے گی۔ ان خیالات کا اظہار انہوں نے رہنما تحریک انصاف میجر گروپ ڈاکٹر رب نواز مہورہ کے بھائی طاہر محمود کی دعوت ولیمہ اور ہمشیرہ کی رسم رخصتی کے موقع پر میڈیا سے با ت چیت کرتے ہوئے کیا۔ اس موقع پر تحریک انصاف کے امیدوار پنجاب اسمبلی ملک امانت خان راول، سابق اےم پی اے سردار محمد علی خان آف شاہرائے سعد اللہ، سابق تحصےل ناظمےن سردار افتخار احمد خان المعروف مٹھو خان ،حاجی شفقت خان طاہر خےلی، امےدوار پنجاب اسمبلی سردار ممتاز خان ماجھےا بھی مو جود تھے۔ میجر طاہر صادق نے کہا کہ موجودہ حکومت کی آئے روزکی جانے والی حماقتیں ان کے زوال اور ہمیشہ کے لئے سیاست سے آﺅٹ ہو نے کا سبب بنیں گی عمران خان سیاسی لحاظ سے پاکستان میں صف اول کے لیڈر ہیں اوران کی لیڈر شپ کا اندازہ اس بات سے لگا یا جا سکتا ہے کہ پی پی پی کے آصف علی زرداری سے لا کھ سیاسی اختلافات ہو نے کے باوجود جمہوریت کی مضبوطی کے لئے انہوں نے طاہر القادری کے ہمراہ ان کے ساتھ بیٹھنے پر آمادگی ظاہر کر دی یہ ان کی قائدانہ صلاحیتوںکا منہ بولتا ثبوت ہے۔
