کولکتہ(شوبز ڈیسک ) یوں تو بولی وڈ کے شہنشاہ 75 سالہ امیتابھ بچن کے مداحوں کی کوئی کمی نہیں تاہم ان کے کچھ مداح ایسے بھی ہیں، جو انہیں پوجتے ہیں۔بھارتی ریاست مغربی بنگال کے دارالحکومت کولکتہ میں تو بولی وڈ کے شہنشاہ امیتابھ بچن کے مداحوں کی باقائدہ رجسٹرڈ آرگنائزیشنز اور گروپ بھی ہیں، جو ان سے بہت محبت کرتے ہیں۔ایسے ہی مداحوں نے امیتابھ بچن کا مجسمہ اب کولکتہ کے مندر میں بھی نصب کردیا۔ آل بنگال امیتابھ بچن فینس ایسوسی ایشن(اے بی ایف اے) نے امیتابھ بچن کی نئی فلم’سرکار تھری‘ سے پہلے اس کی کامیابی کے لیے جہاں منتیں مانگیں، وہیں انہوں نے یہ منت بھی مانگی تھی کہ اگر ان کے گرو امیتابھ کی فلم کامیابی گئی تو وہ ان کا مجسمہ مندر میں نصب کریں گے۔اے بی ایف اے ممبران نے مندر میں امیتابھ بچن کا فائبر گلاس سے تیارشدہ 25 کلو وزنی، اور 6 فٹ، 2 انچ لمبا مجسمہ نصب کیا۔امیتابھ بچن کا یہ مجسمہ ان کے مداح آرٹسٹ سبارتا بوس نے تیار کیا، جس میں انہیں ان کے سرکار تھری کے کردار کا روپ دیا گیا۔مجسمے کو نصب کرتے وقت ان کے مداحوں نے سرکار تھری میں ان کی جانب سے پہنا گیا لباس بھی پہن رکھا تھا، جب کہ مداحوں نے ان کے مجمسے کی ا اتارتی اتارنے سمیت اس کی پوجا بھی کی۔خیال رہے کہ امیتابھ بچن کی فلم سرکار تھری 12 مئی کو ریلیز کی گئی تھی، اس فلم نے پہلے ہی دن بھارت میں 2 کروڑ 30 لاکھ بھارتی روپے کا بزنس کیا۔

ممبئی(شوبز ڈیسک) مادھوری کا سنجے دت کی زندگی پربننے والی فلم پربات کرنے سے انکار ۔ اداکارہ مادھوری ڈکشٹ کا کہنا ہے کہ سنجے دت کی سوانح حیات پر بننے والی فلم پر بات کرنا بیکار ہے کیونکہ زندگی ان تمام چیزو ں سے بہت آگے نکل چکی ہے۔بالی وڈ کے چاکلیٹی ہیرو رنبیر کپور ان دنوں سنجے دت کی زندگی پر بننے والی فلم میں مرکزی کردار ادا کررہے ہیں، فلم کی ہدایت کاری بھارتی فلم انڈسٹری کے جانے مانے ہدایت کار راج کمار ہیرانی دے رہے ہیں جب کہ فلم میں رنبیر کے علاوہ منیشا کوئرالہ، پاریش راول، انوشکا شرما اور سونم کپور بھی اہم کردار میں نظر آئیں گی۔بھارتی میڈیا کے مطابق فلم میں سونم کپور مادھوری ڈکشٹ کا کردار نبھا رہی ہیں۔

یہ کردار مختصر لیکن پاور فل ہے اور یہ سنجے دت اور مادھوری ڈکشٹ کی اصل زندگی میں ہونے والی قریبی دوستی اور پیار پر مشتمل ہے۔مادھوری ڈکشٹ نے اس حوالے سے بات کرتے ہوئے کہا کہ سنجے دت کی سوانح حیات پر بننے والی فلم پر بات کرنا بیکار ہے کیوں کہ زندگی ان تمام چیزو ں سے بہت آگے نکل چکی ہے، مادھوری ڈکشٹ آخری بار 2014 میں فلم ڈیڑھ عشقیہ میں نظر آئی تھیں اور وہ اب دوبارہ کب بڑی اسکرین پر نظر آئیں گی اس کے جواب میں مادھوری نے مسکراتے ہوئے کہا بہت جلد۔ انہوں نے بالی ووڈ میں ہونے والی تبدیلیوں کے بارے میں کہا کہ ہاں میں مانتی ہوں بالی ووڈ میں پہلے کے مقابلے میں بہت تبدیلیاں آئی ہیں۔

لاہور (شوبز ڈیسک)معروف اداکار احسن خان نے کہا ہے کہ ملک میں غربت ، جہالت اور بے روزگاری دیکھ کر بڑا دکھ ہوتا ہے ، کسی بھی ریاست کا فرض ہے کہ وہ اپنے شہریوں کو بنیادی سہولتیں فراہم کریں جس کے وہ حقدار ہیں ۔ انہوں نے خصوصی گفتگو کرتے ہوئے کہا کہ میں فلم اور ڈرامہ سیریل کے لئے مختلف شہروں اور دیگر مقامات پر گیا ہوں جہاں مجھے غربت ، جہالت اور بے روزگاری دیکھی اور چھوٹے چھوٹے بچے سڑکوں پر بھیک مانگ رہے ہیں ،مجھے یہ حالات دیکھ کر دلی دکھ ہوتا ہے ۔اگر انہی بچوں کو اچھے سکولوں میں تعلیم کے مواقع مل جائیں تو یہ بھی مستقبل میں جا کر پاکستان کے لئے مختلف شعبوں میں کارنامے انجام دے سکتے ہیں ۔ انہوں نے کہا کہ وفاقی اور صوبائی حکومتوں کو خاص طور پر تعلیم ، صحت ، روزگار ، انصاف اور امن و امان کی صورتحال پر گہری نظر رکھنی چاہیے اور ان مسائل کے سد باب کے لئے کوئی کسر باقی نہیں رہنی چاہیے ۔ احسن خان نے کہا کہ ترقی یافتہ دنیا سے مقابلہ کرنے کے لئے ہماری قوم کا تعلیم یافتہ ہونا بے حد ضروری ہے ۔انہوں نے اپنی مصروفیات کے حوالے سے بتایا کہ اس وقت ان کی تین ڈرامہ سیریل زیر تکمیل ہیں اور اس کے ساتھ دو فلمیں بھی آخری مراحل میں داخل ہو چکی ہیں جن میں سے ایک فلم عید الفطر پر سینما گھروں کی زینت بنے گی ۔

کراچی (شوبز ڈیسک) پاکستان کے معروف ترین گلوکار راحت فتح علی خان نے گزشتہ رات دنیا کے سب سے مقبول اور بڑے سرچ انجن ”گوگل“ پر مداحوں سے براہ راست بات کی۔ راحت فتح علی خان وہ پہلے پاکستانی گلوکار ہیں جنہیں مداحوں سے لائیو بات کرنے کے لیے گوگل کے امریکہ میں واقع ہیڈ آفس سے مدعو کیا گیا۔ راحت فتح علی خان نے اپنے مداحوں کو لائیو پرفارمنس سے بھی محظوظ کیا۔ اس حوالے سے یہ پاکستان کے لیے ایک بڑا اعزاز ہے۔

لاہور (شوبز ڈیسک ) پاکستانی اداکارہ نے معروف اداکار ہماریوں سعید کیساتھ اپنے سکینڈل سے متعلق وضاحت کر دی ہے اور ساتھ ہی یہ بھی بتا دیا ہے کہ ہمایوں سعید اپنے سکینڈلز پر پریشان نہیں ہوتے بلکہ لطف اٹھاتے ہیں اور خوش ہوتے ہیں کہ ”ساری بچیاں میری ہیں۔“تفصیلات کے مطابق نجی ٹی وی کے پروگرام میں میزبان نے ا±شنا شاہ سے سوال کیا کہ ” ایک ایسا سکینڈل ہے جس پر ہم بڑے کنفیوز رہتے ہیں، کچھ دن پہلے آپ کی تصاویر ہمایوں سعید کے ساتھ لگی ہوئی تھیں، آپ نے اب تک اپنے سکینڈل کے بارے میں وضاحت کیوں نہیں کی؟“ ا±شنا شاہ نے جواب دیتے ہوئے کہا کہ ” اصول کی بات ہے، سمجھ نہیں آئی میں ان کیساتھ کیوں بیٹھی ہوئی تھی، ایک تو ہمایوں سعید کیساتھ بہت ساریوں کے سکینڈل ہوتے ہیں۔
اور وہ بیچارے بچتے نہیں، اور میرے خیال سے وہ بھی سکینڈلز کا لطف اٹھاتے ہیں، اور بہت خوش ہوتے ہیں کہ ”ساری بچیاں میری ہیں۔“انہوں نے کہا کہ ”یہ بہت ہی گندا اور برا سکینڈل تھا جو کسی بہت ہی افسردہ انسان نے فیس بک پر اپ لوڈ کیا اور میں جانتی ہوں کہ کس نے کیا، اس کے باعث میری اور ہمایوں سعید کی فیملی کے درمیان جھگڑا ہوا جو بعد میں حل ہو گیا۔ لیکن یہ ایسا نہیں تھا جیسے پیش کیا گیا۔ میں نے اس لئے وضاحت نہیں کی کہ اگر ایسا کرتی تو وہ سکینڈل بنانے والا جیت جاتا، میں اگر اس سکینڈل کی وضاحت کرتی تو وہ کل ایک نیا سکینڈل شروع کرتے اور پھر اس کی وضاحت کرتی اور پھر ایک نیا سکینڈل آتا اور میں اس کی وضاحت میں لگ جاتی۔