لاہور (مانیٹرنگ ڈیسک) مسلم لیگ ن کی قیادت نے مریم نوازشریف کو عوامی رابطہ مہم کی انچارج بنانے کافیصلہ کرلیا ہے اور وہ تمام معاملات کی نگرانی کریں گی، ذرائع کا کہنا تھا کہ ن لیگ کا اپنی انتخابی مہم میں تحریک انصاف کو ٹف ٹائم دینے کا فیصلہ کیا ہے اور اس ضمن میں پنجاب سے ن لیگ کے سوشل میڈیا ماہرین ماہانہ رپورٹس بھجوائیں گے۔

لاہور (وقائع نگار) عمران خان کی سربراہی میں منہاج القرآن سیکریٹریٹ آنے والے پاکستان تحریک انصاف کے وفد سے ملاقات کے بعد طاہر القادری اور عمران خان نے میڈیا سے گفتگو کی۔ ایک صحافی نے عمران خان سے سوال کیا کیا آصف زرداری آپ کیساتھ بیٹھیں گے؟ عمران خان نے زوردار قہقہ لگایا، پھر بولے ہم کوئی سیاسی اتحاد نہیں بنا رہے ہیں، انسانی مسئلہ ہے کوئی فرق نہیں پڑتا، ہم انصاف مانگ رہے ہیں۔ اس موقع پر بات کرتے ہوئے ڈاکٹر طاہر القدری نے کہا کہ یقین سے کہتا ہوں کہ قتل عام نواز شریف کی مرضی کے بغیر نہیں ہو سکتا۔ انہوں نے پھر وارننگ دی کہ شہباز شریف اور رانا ثناءاللہ مستعفی ہو جائیں کیونکہ ان کی موجودگی میں فیئر ٹرائل نہیں ہو سکتا۔ انہوں نے بتایا کہ 30 دسمبر کی اے پی سی پر عمران خان سے مشاورت ہوئی، تحریک انصاف کے وفد کو خوش آمدید کہتا ہوں، عمران خان نے سانحہ ماڈل ٹاو¿ن کا مقدمہ اپنا سمجھ کر لڑا ہے اور عمران خان انصاف کے لئے ہمارے ساتھ شانہ بشانہ کھڑے ہیں۔ یہ بھی پڑھیں، اسلام آباد انتظامیہ کا طاہر القادری کا نام ای سی ایل میں شامل کرانے پر غور طاہر القادری نے بتایا کہ 31 دسمبر کو لائحہ عمل مشترکہ مشاورت سے اے پی سی میں طے کریں گے، سو فیصد یقین سے کہتا ہوں کہ قتل عام نواز شریف کی مرضی کے بغیر نہیں ہوا۔ انہوں نے کہا کہ شہباز شریف کی موجودگی میں فیئر ٹرائل نہیں ہو سکتا، باقر نجفی رپورٹ نے شہباز شریف کو ذمہ دار ٹھہرا دیا ہے، کمیشن کی رپورٹ کے مطابق شہباز شریف نے جھوٹ بولا تھا، 45 تھانوں کی پولیس نے آپریشن میں حصہ لیا، صوبہ کے وزیر اعلیٰ کی اجازت کے بغیر اتنا بڑا آپریشن نہیں ہو سکتا۔

اسلام آباد(مانیٹرنگ ڈیسک) معروف ماہر قانون عمران خان کے وکیل نعیم بخاری نے کہا ہے کہ شاہ ایران کی طرح نواز شریف پر بھی زمین تنگ ہوچکی ہے، نواز شریف کی سیاست کا خاتمہ ہوچکا ہے، جتنی ذلت اسی خاندان کی ہوئی ہے آج تک ملک کی تاریخ میں کسی اور خاندان کی نہیں ہوئی، ان کیخلاف مکہ، مدینہ اور لندن میں نعرے لگ گئے، نواز شریف کس دلیری کی بات کررہے ہیں، یہ وہی ہیں جو مشرف دور میں چند ماہ جیل میں گزارنا پڑے تو رو رو کر درخواستیں کرتے تھے کہ باہر بھجوا دیا جائے، وزیر خزانہ اسحاق ڈار واپس نہیں آئینگے۔ وفاقی وزرا تنخواہ اور سہولتیں تو عوام کے ٹیکس سے لیتے ہیں تو کس منہ سے نواز شریف کیخلاف کیسز سننے عدالت جاتے ہیں، اگر انہیں نواز شریف سے واقعی پیار ہے تو پہلے مستعفی ہوں پھر عدالتوں میں پیش ہوتے رہیں، ہمارے یہاں اگر اس لئے احتساب سے نہیں گھبراتے کہ انہیں معلوم ہوتا ہے کہ عدالت میں صرف تاریخ در تاریخ ہی چلے گی۔

اسلام آباد (مانیٹرنگ ڈیسک) سینئر صحافی ڈاکٹر شاہد مسعود نے کہا ہے کہ نوازشریف کی تنقید اینٹ سے اینٹ بجانے تقدیر کا
چھوٹا سا حصہ تھی۔ نااہل وزیراعظم کلبھوشن کے معاملے پر غصے میں ہیں۔ نجی ٹی وی پروگرام میں گفتگو کرتے ہوئے انہوں نے کہا کہ نوازشریف سمجھتے تھے کہ جنڈال کی طرح کلبھوشن کو بھی بھیج دیا جائے گا۔ بھارت میں کلبھوشن معاملے پر عجیب صورتحال ہوگئی ہے۔ بھارتی اینکر نے کہا کہ کاش 3نہیں 300جوان شہید ہوتے۔ بھارتی میڈیا کو تمیز کے دائرے میں خبریں نشر کرنی چاہیئں۔ کلبھوشن کی اہلیہ و والدہ سے ملاقات بڑے اچھے ماحول میں ہوئی۔ سکیورٹی کلیئرنس ہر ملک میں ہوتی ہے۔ انہوں نے کہا کہ حدیبیہ کیس پر کام جاری ہے۔ نیب کو مزید شہادتیں ملی ہیں۔ الیکشن سے پہلے بدمعاشیہ جیل میں ہونگے اس کا کوئی ذکر نہیںکررہا۔ انہوں نے شہبازشریف کی سیاست پر جھاڑو پھیر دیا ہے۔ وزیراعلیٰ پنجاب بڑے بھائی کے بالکل برعکس بات کررہے ہیں۔ انہوں نے مزید کہا کہ نوازشریف نے تقریر میں آصف زرداری کو برا نہیں کہا۔ اب زرداری کیلئے آج کی تقریر مشکل ہوگئی۔ ہوسکتا ہے کہ وہ بلاول سے سخت رویہ اور خود ذرا نرم لہجے میں تقریر کریں۔ زرداری کی تقریر بڑی اہم ہے۔ غلط وقت پر آگئی ہے انہوں نے کہا کہ حدیبیہ پر بھی ریفرنسز دائر ہونے والے ہیں اسی وجہ سے اسحاق ڈار واپس نہیں آرہے۔ قومی اسمبلی کا سپیکر کہتا ہے ”کچھ کچھ ہوتا ہے“ جبکہ سینیٹ کا چیئرمین کہتا ہے ”کہیں میں گمشدہ نہ ہوجاﺅں“ ملک میں کیا نظام چل رہا ہے؟ رضا ربانی نے ”غائب نہ ہوجاﺅں“ عجیب بیان دیا ہے۔ سپریم کورٹ و نیب اپنے کام میں مصروف ہیں۔ سندھ میں بھی کھاتے کھلنے شروع ہوگئے ہیں۔ زرداری بھی پریشان ہیں۔ مریم نواز کے خلاف کیلبری فانٹ پر ریفرنس دائر ہونے والا ہے۔

لاہور (نیااخبار رپورٹ) مغلپورہ میں وزیراعلیٰ پنجاب کے ہم نام شہری کا چالان ہو گیا۔ شہری شہبازشریف ولد محمدشریف کا ون وے کی خلاف ورزی پر عدنان نامی ٹریفک وارڈن نے 200روپے کا چالان کیا۔

لاہور (کورٹ رپورٹر)امیرجماعت اسلامی پنجاب میاں مقصود احمدنے کہاہے کہ گنے کے کسانوں کو ریلیف دینے اور شوگر مل مالکان کے خلاف پورے پنجاب کے کسان متحد ہوچکے ہیں ۔ اگرحکومت پنجاب نے کسانوں کے جائزمطالبات نہ مانے تو ہماری تحریک کے اگلے مرحلے میں وزیراعلیٰ ہاﺅس کے باہر احتجاجی دھرنا دیاجائے گا۔ان خیالات کا اظہار انہوں نے گزشتہ روزلاہورہائیکورٹ میں شوگر مل مالکان کے خلاف جماعت اسلامی کی رٹ کی سماعت کے موقع پر میڈیا کوپریس بریفنگ دیتے ہوئے کیا۔اس موقع پر ان کے ہمراہ وکیل سیف الرحمان جسرا،محمد فاروق چوہان ودیگر بھی موجو د تھے۔انہوں نے کہاکہ ہم نے عدالت عالیہ سے استدعاکی ہے کہ وہ گنے کے180روپے فی من سرکاری ریٹ کے مطابق خریداری کے لیے شوگر مل مالکان کو پابندبنائے اور کسانوں کی سابقہ اربوں روپے کے بقایاجات کو بھی یقینی بنایا جائے۔انہوں نے کہاکہ جسٹس ساجدمحمود سیٹھی کے ہم شکرکزار ہیں کہ انہوں نے کسانوں کے اس حساس اور اہم معاملے پر حکومت پنجاب کو ہدایات کی ہیں کہ پنجاب کی تمام شوگر ملوں کوفنگشنل بنایاجائے اور جو شوگر ملیں ہائی کورٹ کے حکم کے باوجود ابھی تک فنگشنل نہیں ہوئیں ان کی رپورٹ اگلی سماعت کے موقع پر28دسمبر کو پیش کرنے کی ہدایت کی ہے۔انہوں نے کہاکہ و زیر اعلیٰ پنجاب میاں شہبازشریف نے احکامات دیئے تھے کہ پنجاب کی تمام شوگر ملیں کسانوں سے 180روپے فی گنا خریدیں گی اور کسانوں کے بقایاجات بھی اداہوں گے لیکن ابھی تک ان کے اعلانات کے مطابق کہیں بھی عمل درآمد نہیں ہوا۔صوبہ بھر کے کسان حکومت پنجاب سے مایوس ہوچکے ہیں اور ہمیں امید ہے کہ عدلیہ ہمیں جلدانصاف فراہم کرے گی۔انہوں نے کہاکہ میں نے بطور پٹیشنرجسٹس ساجد محمود سیٹھی کی عدالت میں وکیل سیف الرحمان جسراکے ساتھ موقف پیش کیاہے۔ کسانوں سے عدالتی احکامات کے باوجود بھی شوگرملیں180روپے فی من گنا نہیں خرید رہیں۔کسانوں کومجبورکیاجارہا ہے کہ 100روپے اور120روپے من گنے کو فروخت کریں۔انہوں نے کہاکہ گنے کے کسانوں کو ریلیف دینے اور حکومت پنجاب کی بے حسی کے خلاف جماعت اسلامی کی احتجاجی تحریک کے سلسلے میں کسانوں کا احتجاجی مظاہرہ27دسمبر کو لاہور پریس کلب کے سامنے ہوگا۔احتجاجی مظاہرے میں پورے پنجاب سے کسان شریک ہوں گے۔کسانوں کے مطالبات کے حل ہونے تک جماعت اسلامی کی احتجاجی تحریک جاری رہے گی۔

کراچی (خصوصی رپورٹ)کراچی میں چائے کے شوقین ڈرائیور نے منزل سے پہلے ہی ٹرین کے انجن کو بریک لگا دی جس کے باعث ٹریک کے دونوں جانب ٹریفک کی لمبی قطار لگ گئی۔ کراچی میں ملیر وائر لیس گیٹ پر ٹرین انجن کے ڈرائیور کو نہ جانے کیا سوجھی کہ پھاٹک پر انجن کو بریک لگائی اور سڑک کنارے کھوکھے سے چائے لینے چلا گیا۔ انجن کے رک جانے سے پھاٹک کے دونوں جانب گاڑیوں اور موٹر سائیکلوں کی لمبی قطاریں لگ گئیں۔ شہری انجن کے ڈرائیور کو ڈھونڈتے رہے مگر وہ دس منٹ بعد کھوکھے سے چائے لے کر نکلا اور انجن کو لے کر منزل کی جانب روانہ ہو گیا۔