لاہور(ویب ڈیسک )عوامی مسلم لیگ کے سربراہ شیخ رشید احمد نے کہا ہے کہ انشاءوقت آنے پراپوزیشن اسمبلیوں سے بھی استعفیٰ دیگی،جنوری سے فروری تک شاہد خاقان عباسی ٹائپ نوازشر یف کی باقیات کا بھی خاتمہ ہوجائیگا ‘دنیا ادھر سے ادھر ہوئے نوازشر یف کے خاندان کی سیاست کا خاتمہ طے ہو چکا ہے ‘ایل این جی کر پشن کا سیکنڈل سپر یم کورٹ لیکر جا رہے ہیں حدیبہ پیپر کے متعلق سپر یم کورٹ کے فیصلے کو بھی ریوکر یں گے،آج پاکستان میں فوج اور عدلیہ سمیت تمام ادارے بدلے ہوئے ہیںپوری قوم افواج پاکستان اور عدلیہ کیساتھ ہیں ‘شاہد خاقان عباسی کان کوکھل کر سن لیں یہ بدلا ہوا پاکستان ہے ‘ آئندہ الیکشن میں پولنگ اسٹیشن کے اندر باہر اور ڈبوں کے ساتھ بھی فوجی جوان موجود ہوں گے ‘اپوزیشن جماعتوں کی سٹیئر نگ کمیٹی لاہور یا اسلام آباد سمیت جہاں بھی احتجاج کا فیصلہ کر یں گی ہم انکے ساتھ ہوں گے ‘11جنوری کو لاہور میں عوامی مسلم لیگ مشائخ کنونشن کا انعقاد کر یں گی۔سوموار کے روز عوامی تحر یک کے سربراہ ڈاکٹر طاہر القادری سے ملاقات کے بعد میڈیا سے گفتگو کرتے ہوئے شیخ رشیداحمد نے کہا کہ نواز شریف کی حکومت نہیں چل سکتی، آئندہ 24 سے 36 گھنٹے میں فیصلہ ہو جائے گا نواز شریف مودی کے اشاروں پر کھیلنا چاہتے ہیں، ساری قوم پاک فوج اور عدلیہ کے ساتھ کھڑی ہے۔ انہوں نے کہا کہ نواز شریف کو ماضی میں دہشتگردی کیس میں چھوٹ مل گئی تھی لیکن اب نواز شریف کاجانا اور شریف خاندان کی سیاست کا خاتمہ طے ہے۔ انہوں نے کہا پاکستان اور جمہوریت کے مفاد میں حکمت عملی بنائیں گے۔
