تازہ تر ین

بہت دھوکے کھائے, مگر اعتبار کرنے کی عادت گئی نہیں

لاہور ( شوبزڈےسک) معروف اداکارہ ریشم نے کہا ہے کہ بہت سارے لوگوں پر اعتماد کر کے دھوکے کھائے ہیں مگر اعتبار کرنے کی عادت گئی نہیں ، بابرہ شریف سب سے بہترین دوست ہیں ۔ انہوں نے ایک انٹرویو کے دوران کہا کہ موجودہ دور میں پاکیزہ محبت کا تصور مشکل ہوتا جا رہا ہے البتہ محبت کے دعوے ضرور کیے جاتے ہیں ۔ مجھے اپنے والدین کی کمی کا احساس ہر وقت ہوتا ہے مگر میری بڑی بہن نے بچوں کی طرح ہماری پرورش کی اور میں ان کو ہی اپنی والدہ سمجھتی ہوں ۔ جب میں پیدا ہونے والی تھی تو میرے والد اس دنیا سے رخصت ہو گئے تھے اس لیے مجھے والد کی شفقت میسر نہیں آئی ۔ انہوں نے ایک سوال کے جواب میں کہا کہ شوبز کی دنیا میں میری سب سے زیادہ دوستی بابرہ شریف سے ہے اور ہم دونوں میں بڑا ہنسی مذاق چلتا ہے۔
مگر اس کے باوجود بھی احترام کا رشتہ موجود ہے اور وہ مجھے اپنے ہاتھ سے اچھے اچھے کھانے بنا کر کھلاتی ہیں۔انہوںنے کہا کہ جب میں چھوٹی تھی تو مجھے بابرہ شریف بڑی اچھی لگتی تھیں اور میں سوچ بھی نہیں سکتی تھی کہ ایک دن وہ میری سب سے اچھی دوست ثابت ہوں گی ۔ انہوں نے ایک اور سوال کے جواب میں کہا کہ میں نے بہت سارے لوگوں پر اعتماد کیا ہے اور ہمیشہ نقصان ہی اٹھایا ہے اور اعتماد کرنے کی بری عادت آج بھی مجھ میں موجود ہے ۔ انہوں نے شادی کے حوالے سے کہا کہ یہ مقدروں کی بات ہے اور اس سے زیادہ میں کچھ نہیں کہہ سکتی کہ میری زندگی میں داخل ہونیوالا کیسا ہو گا۔

 


اہم خبریں





دلچسپ و عجیب
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain