قصور(بیورورپورٹ)ن لیگ کی عدلیہ مخالف ریلی میں نازیبا الفاظ کا استعمال، مسلم لیگ نون کے ایم این اے وسیم اختر شیخ کو گرفتار کرلیا گیا۔پولیس نے وسیم اختر کو کشمیر چوک سے گرفتار کیا۔ انہیں نامعلوم مقام پر منتقل کیا گیا ہے نون لیگی ایم این اے کے خلاف عدلیہ مخالف جلوس نکالنے پر مقدمہ درج کیا گیا تھا۔ قصور پولیس نے عدلیہ اور دوسرے ریاستی اداروں کے خلاف احتجاجی جلوس نکالنے کے دوران نازیبا زبان استعمال کرنے اور مذکورہ اداروں کی ہرزہ سرائی کرنیوالے مسلم لیگ ن کے ایم این اے وسیم اختر شیخ ایم پی اے حاجی نعیم صفدر انصاری چیئرمین بلدیہ ایازاحمدخاں ،وائس چیئرمین احمد لطیف ،چیئرمین بیت المال ناصر محمود خاں،وائس چیئرمین مارکیٹ کمیٹی قصور جمیل احمدخاں سمیت دیگر 80 لیگی رہنماﺅںاور کارکنوں کے خلاف دو علیحد ہ علیحدہ مقدمات درج کرکے ناصر محمودخاںاور جمیل احمد خاںسمیت پنتالیس افراد کو گرفتار کرلیا ہے قصور پولیس کی طرف سے جاری کردہ پریس نوٹ میں کہا گیا ہے کہ ممبران اسمبلی اور دیگر لیگی کارکنان نے 13 اپریل کو ایک احتجاجی جلوس نکالا جس میں ریاستی اداروں کے خلاف انتہائی تذلیل آمیز زبان استعمال کی گئی یہ لوگ نعرے بازی کرتے رہے اور انہوںنے ٹائروں کو آگ لگا کر ٹریفک کو بلاک کر دیا پولیس تھانہ اے ڈویژن نے ڈسٹرکٹ بار قصور کے سینئر وکیل میجر(ر)حبیب الرحمن کی مدعیت میں پہلی ایف آئی آر درج کی ہے جبکہ اپنے ایک اہلکارعبدالرشید کی ملکیت میں دوسری ایف آئی آر کا اندراج کیا گیا ہے پولیس نے بھاری نفری کے ہمراہ مقدمات کے اندراج سے قبل ہی لیگی کارکنوں اور ممبران اسمبلی ،کونسلرز کے گھروں پر چھاپے مارنے کا سلسلہ شروع کر دیا تھا بتایا گیا ہے کہ پولیس نے جمیل احمدخاںاور ناصرخاں کے گھروں پر چھاپوں کے دوران ان کے گھروں کے دروازے توڑ دیے اس امر کی اطلاع ملتے ہی دیگر لیگی کارکنان اور عہدادار زیر زمین چلے گئے پولیس ترجمان کے مطابق تھانہ اے ڈویژن کے علاوہ ایس پی انویسٹی گیشن کی نگرانی میں تشکیل دی گئی ٹیموںنے اب تک ن لیگ کے دو کونسلروں سمیت چالیس سے زائد افراد کو گرفتار کرلیا ہے جبکہ دیگر لوگوں کے گھروں پر چھاپے مارنے کا سلسلہ جاری ہے ڈی پی او قصور کی طرف سے جاری کردہ بیان میں کہا گیا ہے کہ ہم نے آئی جی پنجاب کے احکامات کی روشنی میں مقدمات کا اندراج کیا ہے اور ضلع کے اندر قانون کی عمل داری کو ہر ممکن یقینی بنایا جائے گا انہوںنے کہاکہ کسی شخص کو پاکستان کے اعلیٰ اداروں کی ہرزہ سرائی کی کسی صورت اجازت نہیں دی جائے گی ان لوگوںنے امن عامہ کی صورتحال کوخراب کرنے کی کوشش کی ہے انہوںنے سابق وزیر اعظم میاںمحمد نوازشریف کی حمایت میں جو ریلی نکالی اس میں چیف جسٹس آف پاکستان اور حکومتی اداروں کے خلاف سخت تنقید نعرے بازی اور گالم گلوچ کیا گیا جس پر مقدمہ نمبر 197/18بجرم 166/506/341/228/109/147/189ت پ درج رجسٹر ہوا جبکہ دوسرا مقدمہ198/18 برخلاف ایم این اے شیخ وسیم اختر، ایم پی اے نعیم صفدر انصاری،ناصر محمو د خاں چیئرمین بیت المال، جمیل خاں،ایاز خاں چیئرمین تحصیل کونسل قصور ودیگر 50/60کس نامعلوم افراد، شہری حبیب الرحمان کی طرف سے دی گئی درخواست پر درج کیا گیا ہے۔
