لاہور(شوبز ڈیسک)رواں سال عید الاضحی پر کئی فلموں کی ریلیز کا امکان ہے اور ان میں سے ایک نبیل قریشی اور فضاعلی میرزا کی ”لوڈ ویڈنگ“بھی ہے۔اس فلم میں ”ایکٹر ان لا“کے اداکار فہد مصطفی اور مہوش حیات پھر اکھٹے ہورہے ہیں۔ فیملی ڈرامہ فلم شادی کے گرد گھومتی ہے اور مہوش حیات نے اس فلم میں اپنے کردار کی پہلی جھلک جاری کی ہے۔اس جھلک کو دیکھ کر نہیں لگتا کہ ان کا کردار دلہن بننے کے لیے تیار ہے۔انسٹاگرام پر جاری تصویر میں انہیں کسی دروازے کے سامنے کھڑا دیکھا جاسکتا ہے اور کیپشن میں لکھا ہے میری آنے والی فلم”لوڈ ویڈنگ“ کے سیٹ سے۔اس سے قبل نبیل قریشی، فضاعلی میرزا اور فہد مصطفی کی ٹیم نامعلوم افراد، ایکٹر ان لااور نامعلوم افراد 2 جیسی سپر ہٹ فلمیں بناچکے ہیں۔اس فلم کو بنانے کے اعلان کے بعد نبیل قریشی نے کہا تھا کہ یہ فلم ان کی دیگر فلموں کے مقابلے مختلف ہوگی۔ن کا کہنا تھا کہ لوڈ ویڈنگ کی کہانی بھی مختلف ہے جبکہ اس میں ایکشن اور کاسٹ بھی مختلف ہوگی۔یہ فلم عیدالاضحی پر ریلیز ہوگی اور اس کا مقابلہ ہمایوں سعید کی فلم جوانی پھر نہیں آنی 2 سے ہوگا۔
