لاہور میں رواں سال موٹرسائیکل چوری کی وارداتوں میں نمایاں کمی ریکارڈ

لاہور (کرائم رپورٹر) لاہور میں رواں سال  موٹر سائیکل چوری کی وارداتوں میں نمایاں کمی ریکارڈ کی گئی ہے۔ پولیس ریکارڈ کے مطابق 2025 ء کی نسبت رواں سال موٹر سائیکل چوری کی وارداتوں میں 47 فیصد کمی ہوئی ہے۔ سال 2025 ء کے پہلے 8 ماہ کے دوران 7656 موٹر سائیکلیں چوری ہوئیں جبکہ رواں سال کے پہلے8 ماہ کے دوران موٹر سائیکل چوری کے 3996 مقدمات درج ہوئے۔ تفصیلات کے مطابق ڈویژن وائز اعدادوشمار کے مطابق سٹی ڈویژن سے گزشتہ سال1344 موٹر سائیکلیں چوری ہوئیں جبکہ رواں سال یہ تعداد698 رہی۔ کینٹ ڈویژن میں گزشتہ سال 1486 مقدمات درج ہوئے تھے، رواں سال 856 وارداتیں رپورٹ ہوئیں۔ سول لائنز ڈویژن سے گزشتہ سال 846 موٹر سائیکلیں چوری ہوئیں، رواں سال 398، صدر ڈویژن میں گزشتہ سال1510 وارداتیں ہوئیں جبکہ رواں سال796 مقدمات درج ہوئے۔ مزید برآں، اقبال ٹائون ڈویژن سے گزشتہ سال948 موٹر سائیکلیں چوری ہوئیں، رواں سال یہ تعداد 422 رہی جبکہ ماڈل ٹائون ڈویژن میں گزشتہ سال1522 مقدمات درج ہوئے تھے، رواں سال 826 مقدمات درج ہوئے ہیں۔