داتا علی ہجویری نے کہا کہ احسن اقبال کو مار دو ، غوث پاک اور حضرت علی کرم اللہ وجہہ کی زیارت بھی ہوئی،حملہ آور کے نئے انکشافات

نارووال (ویب ڈیسک) وفاقی وزیر داخلہ احسن اقبال پر قاتلانہ حملہ کرنے والے عابد نے دوران تفتیش ناقابل یقین انکشافات کئے ہیں جس کا کہنا ہے کہ اسے داتا علی ہجویری نے خواب میں آ کر کہا کہ احسن اقبال کو مار دو جبکہ غوث پاک اور حضرت علی کرم اللہ وجہہ کی زیارت بھی ہوئی۔سوشل میڈیا پر جاری ہونے والی ویڈیو میں ملزم عابد کہتا ہے کہ داتا علی ہجویری اس کے خواب میں آئے اور کہا کہ احسن اقبال کو مار دو جبکہ غوث پاک کی بھی زیارت ہوئی جنہوں نے سلام لی اور حال چال پوچھا۔ مولانا الیاس قادری بھی خواب میں آئے اور سلام لے کر حال چال پوچھا۔اس کا کہنا ہے کہ میری والدہ غاز علم دین شہید اور عامر عبدالرحمن چیمہ کی کیسٹس سنتی تھیں اور کہتی تھیں کہ بیٹا جیسے انہوں نے زندگی بسر کی ہے ایسے ہی تم کرنا اور اگر تم میرے بچے بیٹے ہو تو ان کے نقش قدم پر چلنا۔