کے پی میں گورنر راج ، ایمرجنسی کانفاذ اس کا علاج نہیں: بیرسٹرگوہر

پشاور (ویب ڈیسک) پشاور میں میڈیا سے بات چیت کرتے ہوئے چیئرمین پی ٹی آئی بیرسٹرگوہر خان کا کہنا
تھا کہ موجودہ سیاسی صورتحال تمام جماعتوں کے لیے لمحہ فکریہ ہے، عملا صوبے میں اس وقت گورنر راج ہے، وفاقی حکومت کی مداخلت سے صوبہ کمزور ہوگیا جب کہ صوبائی حکومت موجود ہے، ملک میں کسی اور صوبے میں مداخلت نہیں کی جارہی ہے، یہ صرف اس لییکیا جا رہا ہے کہ صوبے میں ہمارا مینڈیٹ ہے، دہشت گردی کے خاتمے کے طریقہ کار پر اختلاف ہے جس کو دور کیا جاسکتا تھا، صوبے میں گورنر راج اور ایمرجنسی کانفاذ اس کا علاج نہیں، ایمرجنسی یا گورنر راج کی کوئی صورتحال ہے تو وفاقی یا صوبائی اپیکس کمیٹی کی میٹنگ بلالیں، اپیکس کمیٹی کی میٹنگ میں مسئلے کا حل نکال لیں۔ بیرسٹرگوہر خان کا کہنا تھا کہ دہشت گردی کا خاتمہ،نیشنل ایکشن پلان کے تحت کارروائی ہونی چاہیے، تمام سیاسی جماعتوں کوبھی سن لیں تاکہ عوام اس کی اونرشپ لے لیں، ایمرجنسی یا گورنر راج سے حالات مزید خراب ہوجائیں گے، ہمارا لانگ مارچ چھ مطالبات کے لیے تھا، ہمارے مطالبات آئینی اور قانونی ہیں، ملک کی سیاسی قیادت کو بصیرت سے کام لینا ہوگا، ایسے اقدامات سے گریز کیا جائے جس سے تنا بڑھے، اس وقت خیبرپختونخوا مزید تجربہ کا متحمل نہیں ہوسکتا، ہمارے 8 ایم این اے اور 9 ایم پی اے اٹھائے گئے ہیں یا غائب ہیں۔
بیرسٹر گوہر