ریاض:مشوانی قومی تڑون قبیلہ کی جانب سے سراج الحق کے اعزاز میں عشائیہ

ریاض (وسیم خان) سعودی عرب میں مشوانی قومی تڑون کی جانب سے پاکستان سے آئے مہمان سابق امیر جماعت اسلامی سراج الحق سمیت ملک غلام محمد کاٹنی اور ملک لعل مشوانی کے اعزاز میں پروقار تقریب کا اہتمام کیا گیا جس میں تمام قبائل کے عہدیداران اور کارکنان نے بھرپور شرکت کی۔ تقریب کا باقاعدہ آغاز تلاوت قرآن مجید فرقان
حمید سے کیا گیا۔ بعدازاں تقریب سے خطاب کرتے ہوئے سابق امیر جماعت اسلامی سراج الحق نے کہا ہے کہ فروغ تعلیم کے ذریعے پاکستان کو پورے عالم اسلام کیلئے اسلامی سپر پاور پاکستان بنایا جاسکتا ہے اور سرکاری تعلیمی اداروں میں نظام الصلوة کا نفاذ وقت کی اہم ضرورت ہے۔ انہوں نے کہا کہ تعلیمی اداروں میں اسلامی تعلیمات نافذ العمل کئے جانے سے طلبہ و طالبات کا مستقبل سنوارا جاسکتا ہیں’ والدین کی اطاعت اور فرائض کی پابندی کسی بھی اچھے طالب علم کی پہچان ہوتی ہیں اور پاکستان میں انصاف کے نظام کے بغیر پاکستان ترقی نہیں کر سکتا۔ تقریب سے ملک محمد اکبر’ ضیا اللہ مشوانی’ بخت محمد’ لطیف مشوانی’ سید بخت شیر’ حاجی محمد اجمل وردگ’ ملک زائد زمان’ نورا جان، عقلزادہ، سلطان الدین، محمد مدثر، میاں حامد اور دیگر کا کہنا تھا کہ ہمیں سعودی عرب کے قانون کا احترام کرنا چاہیے۔ سعودی عرب میں مقیم مشوانی قوم کے افراد تجارت ، انجینئرنگ، طب ، تعلیم اور مزدور پیشہ وارانہ امور میں بھر پور کردار ادا کرکے پاکستانی معیشت کو مضبوط بنا رہے ہیں اور حال ہی میں سعودی عرب، پاکستان اور ترکیہ کے مابین7 اگست2026 ء کو مکہ مکرمہ میں طے پانے والا مکہ مشترکہ دفاعی معاہدہ واقعی مسلم دنیا کی عسکری اور سفارتی تاریخ کا روشن باب ہے یہ تاریخی معاہدہ تینوں برادر ملکوں کے مابین دیرپا سٹریٹجک شراکت داری اور باہمی سلامتی کے نئے دور کا آغاز کرتا ہے۔ مقررین نے کہا کہ ہم کو اپنے اسلاف کی قربانیوں کو مدنظر رکھتے ہوئے پاکستان کی ترقی خوشحالی اور استحکام کے لیے اپنے اپنے حصے کا دیا جلانا ہوگا۔