کم جونگ ان شدید موٹاپے کا شکار والد کی طرح دل کے امراض کا خطرہ

سیئول(آئی این پی )جنوبی کوریا کے خفیہ ادارے نے اپنے تازہ ترین جائزے میں بتایا ہے کہ شمالی کوریا کے رہنما
کم جونگ ان انتہائی شدید موٹاپے کا شکار ہیں۔غیر ملکی میڈیا رپورٹس کے مطابق کم جونگ ان طویل عرصے سے موٹاپے اور سگریٹ نوشی کی عادت میں مبتلا ہیں۔ان کی صحت پر عالمی سطح پر گہری نظر رکھی جاتی ہے، کیونکہ ان کی اچانک موت کی صورت میں جوہری ہتھیاروں سے لیس ملک میں اقتدار کی منتقلی اور سیاسی استحکام سے متعلق سوالات پیدا ہو سکتے ہیں۔جنوبی کوریا کے انٹیلی جنس ادارے کے حوالے سے رکنِ پارلیمان یون کون یونگ نے بتایا کہ کم جونگ ان کی صحت کی درجہ بندی انتہائی شدید موٹاپے کے زمرے میں کی گئی ہے اور ان کا وزن 140 کلو گرام (تقریبا 310 پانڈ) سے زیادہ ہے۔