امریکہ (ویب ڈیسک) جیمز بانڈ سیریز کی 25 ویں فلم کے مرکزی کردار کے لیے مہینوں کی قیاس آرائیوں کے بعد ڈینیئل کریگ کا نام ظاہر کر دیا ہے۔لیکن کیا آپ اندازہ لگا سکتے ہیں کہ برطانوی اداکار ڈینیئل کریگ کو ان کی بانڈ سیریز کی پانچویں اور آخری فلم کے لیے کتنی رقم ملے گی؟
برطانوی اخبار ‘مرر’ میں شائع ایک خبر کے مطابق انھیں اس نئی فلم کے لیے پانچ کروڑ پاو¿نڈ کی خطیر رقم دی جائے گی اور اس کے علاوہ ان کے پیکیج میں ایگزیکٹو فلمساز کا کریڈٹ، انڈورسمنٹ اور منافع میں حصہ بھی شامل ہے۔زیادہ کمانے والے اداکار، سکارلٹ جوہانسن سرفہرست
ایما سٹون سب سے زیادہ کمائی کرنے والی اداکارہ
اطلاعات کے مطابق یہ فلم دو گھنٹے 20 منٹ دورانیے کی ہوگی اور اس طرح ہر منٹ کے لیے 50 سالہ اداکار کو تین لاکھ 57 ہزار پاو¿نڈ ملیں گے۔
اس سے قبل انھیں ان کی آخری بانڈ فلم ‘سپیکٹر’ کے لیے مبینہ طور پر تین کروڑ 70 لاکھ پاو¿نڈ دی گئی تھی۔
کریگ اور مونیکا بلوچیتصویر کے کاپی رائٹAFP/GETTY IMAGES
Image caption
اطلاعات کے مطابق ‘سپیکٹر’ فلم کے لیے ڈینیل کو تقریباً پونے چار کروڑ پاو¿نڈ دیے گئے تھے
اگر کریگ کو پانچ کروڑ پاو¿نڈ کی رقم ملتی ہے تو وہ دنیا کے مہنگے ترین اداکاروں میں شامل ہو جائیں گے۔
ان کے مقابل میں بانڈ فلموں کے اداکاروں میں جارج لیزنبائی کو انڈین نیوز ایجنسی پی ٹی آئی کے مطابق ایک فلم کے لیے 72 ہزار پاو¿نڈ ملے تھے جبکہ راجر مور کو ساتھ فلموں میں معروف روایتی جاسوس کا کردار ادا کرنے کے لیے ایک کروڑ 70 لاکھ پاو¿نڈ ملے تھے۔
ان کے علاوہ ٹیموتھی ڈالٹن کو دو فلموں کے لیے 40 لاکھ پاو¿نڈ جکہ ڈینیل سے قبل بانڈ کا کردار ادا کرنے والے پیئرس بروسنن کو چار فلموں میں اداکاری کے لیے ایک کروڑ 30 لاکھ پاو¿نڈ ملے تھے۔
یہ بھی پڑھیے
آسکر کا حصہ تھے، آج بھٹک رہے ہیں
’بھارتی ماو¿تھ فریشنر کمپنی نے دھوکا دیا‘
اس سے قبل اداکار ڈینیل کریگ نے کہا تھا کہ وہ پھر سے بانڈ کا کردار ادا کرنے کے بجائے ‘اپنی کلائی کاٹ لینا پسند کریں گے’ تاہم مسلسل انکار کے بعد انھوں نے بانڈ سیریز کی 25 ویں فلم میں واپسی کے لیے ہامی بھر لی۔
