کراچی (ویب ڈیسک) عامر لیاقت حسین کے ٹی وی شوز کی بات کی جائے تو وہ ہمیشہ ہی کسی نہ کسی طرح لوگوں کی توجہ حاصل کرنے میں کامیاب ہو جاتے ہیں اور اکثر یہ توجہ متنازعہ وجوہات کی بنائ پر ملتی ہے۔ انٹرٹینمنٹ پروگرامز میں ریٹنگ حاصل کرنا ہو یا پھر شہرت، عامر لیاقت یہ فن خوب جانتے ہیں۔ اداکارہ و گلوکارہ عائشہ عمر بھی اس پروگرام کی مہمان بنیں جن کا تعاف کراتے ہوئے عامر لیاقت نے تعریفوں کے پل باندھ دئیے اور ان کے شوبز کیرئیر سے متعلق تقریباً تمام ہی باتیں بتائیں لیکن اس دوران انہوں نے کئی فاش غلطیاں بھی کیں اور عائشہ عمر ان کی تصیح کرتی رہیں۔پروگرام کے دوران انہوں نے سب سے فاش غلطی عائشہ عمر کے ایکسیڈنٹ کا احوال بتاتے ہوئے کی جس دوران وہ عائشہ عمر کو ”شریف لڑکی“ ثابت کرنے کی کوشش کرتے رہے لیکن عائشہ عمر نے آگے سے ایسا جواب دیدیا جس کی کسی کو بھی توقع نہ تھی اور خود عامر لیاقت بھی حیران پریشان رہ گئے۔عامر لیاقت نے اپنی بات شروع کرتے ہوئے کہا کہ شوبز سے وابستہ افراد کی بھی عزت اور وقار ہوتا ہے۔ انہوں نے بتایا کہ کس طرح سندھ جاتے ہوئے ہائی وے پر عائشہ عمر کا ایکسیڈنٹ ہو گیا اور وہ مدد کیلئے آنے والے کسی بھی فرد کو ہاتھ لگانے کی اجازت نہیں دے رہی تھیں۔عامر لیاقت یہاں یہ ثابت کرنے کی کوشش کر رہے تھے کہ اداکاراو¿ں کا بھی ایک وقار ہوتا ہے اور وہ اجنبیوں کو ہاتھ لگانے کی اجازت بھی نہیں دیتیں۔ مختصر یہ کہ وہ بتانا چاہ رہے تھے کہ اگرچہ عائشہ عمر کا تعلق شوبز انڈسٹری سے ہے لیکن اس کے باوجود ان کی عزت و وقار ہے لیکن عائشہ عمر نے اجنبی لوگوں کو ہاتھ لگانے کی اجازت نہ دینے سے متعلق کچھ اور ہی وجہ بتا دی جس پر پروگرام میں شریک افراد بھی حیران رہ گئے۔عائشہ عمر نے کہا کہ میں اس لئے ان لوگوں کو ہاتھ لگانے سے اس لئے نہیں روک رہی تھی کہ وہ اجنبی ہیں بلکہ میں ڈر گئی تھی کہ یہ اغوائ کار ہیں جو مجھے اغوائ کر لیں گے یا پھر میرا کوئی سامان چوری کر لیں گے۔ انہوں نے کہا کہ یہ ایک خوفناک لمحہ تھا اور میرے دماغ میں منفی باتیں ہی گھوم رہی تھیں جیسا کہ کوئی اجنبی مجھے اغوائ کر لے گا۔ عائشہ عمر نے لائیو پروگرام میں یہ جواب دے کر عامر لیاقت کی طرف سے بتائی گئی وجہ کو بالکل ہی مسترد کر دیا۔
عامر لیاقت کا عائشہ عمر کو ”نیک بی بی “ثابت کرنے کے جواب میں عائشہ کا جواب
