لاہور (شوبزڈیسک ) فلمسٹار میرا نے پہلی بار کسی فوک گیت میں بطور ماڈل کام کیا ،انہوں نے میانوالی کے معروف فوک گلو کار شرافت علی خان کے گیت ”نواں رواج “میں بطور ماڈل اپنے جلوے بکھیرے ،لاہور میں ہونیوالی شوٹنگ کے بعد میرا نے بتایا یہ میرا پہلا سرائیکی گیت ہے جس میں ،میں نے کام کیا ہے سرائیکی گیت میں کام کر نے کا تجربہ بہت اچھا رہا ہے اور میں مستقبل میں بھی مزید سرائیکی گیتوں میں کام کروں گی۔ شرافت علی نے گفتگو کرتے ہوئے کہاکہ انشا اللہ یہ گیت عید الفطر پر ملک بھر میں ریلیز کیا جا ئیگا۔ اس کا ویڈیو فوک میوزک کی دنیا کا سب سے مہنگا ترین ویڈ یو ہوگاجسے لاہور کی معروف ڈائر یکٹر عظمیٰ خان نے بنایا ہے۔
