ممبئی (شوبزڈیسک)بولی وڈ اداکارہ کترینہ کیف بہت جلد سلمان خان کی فلم ’بھارت‘ میں پریانکا کے ساتھ کام کرنے جارہی تھیں، تاہم فلم ساز نے اس فلم کا سکرپٹ تبدیل کرتے ہوئے کترینہ کا کردار مختصر کردیا، جس کے بعد وہ اس فلم میں کام نہیں کریں گی۔کترینہ کے مطابق وہ اس وقت اپنی فلم ”زیرو‘ ‘کی شوٹنگ مکمل کررہی ہیں، جو دسمبر میں ریلیز ہوگی، جس کے بعد وہ ہدایت کار ریمو ڈی سوزا کی ڈانسنگ فلم ’اے بی سی ڈی 3‘ میں ورن دھون کے ساتھ کام کرتی نظر آئیں گی۔کترینہ نے ”بھارت“ کے کردار کوغیر متاثر کن کردار ٹھہرایا۔اداکارہ نے قبل فلم سے تعلق رکھنے والے ذرائع نے بتایا کہ فلم ساز نے اسکرپٹ تبدیل کرتے ہوئے کترینہ کیف کا کردار مختصر کردیا تھا۔جس کے بعد مکمل ٹیم نے یہ فیصلہ کیا کہ اس مختصر کردار کے لیے کترینہ کیف جیسی بڑی اداکارہ کو سائن کرنے کے بجائے وہ کسی اور کو کاسٹ کریں۔جبکہ کترینہ کیف نے بھی فلم ساز کے اس فیصلہ کا ساتھ دیا۔یاد رہے کہ ہدایت کار علی عباس ظفر نے اعلان کیا تھا کہ ان کی 2019 میں ریلیز ہونے والی فلم ’بھارت‘ میں کوئی اور نہیں بلکہ پریانکا چوپڑا مرکزی کردار ادا کرتی نظر آئیں گی۔فلم ’بھارت‘ 2014 کی جنوبی کوریا کی فلم ’اوڈ ٹو مائے فادر‘ کی کہانی پر مبنی ہے۔رپورٹس تھیں کہ فلم میں پریانکا کے ساتھ کترینہ کیف، تبو اور دیشا پٹانی بھی موجود ہیں۔تاہم اب کترینہ اس فلم کا حصہ نہیں ہوں گی۔اس فلم میں 60 سال کا دور دکھایا جائے گا، جس میں سلمان خان 5 الگ انداز کے لکس میں نظر آئیں گے۔
