سیٹھی کوصرف عہدہ بچانے کی فکرہے،راجہ اسدعلی زمبابوے کیخلاف بقیہ میچزمیں نئے پلیئرزکوموقع دیاجائے،فرحان نثارکی گگلی میں گفتگو

لاہور (مانیٹرنگ ڈیسک) کرکٹ کمیٹیٹر راجہ اسد علی نے کہا ہے کہ الیکشن کی گہما گہمی ہے الیکشن کے بعد چیئرمین پی سی بی کی کوشش ہوگی کہ اپنا عہدہ بچائیں۔ چینل ۵ کے پروگرام گگلی میں گفتگو کرتے ہوئے انہوں نے کہا حکومت بہت طاقتور ہوتی ہے اس کو پتہ ہوتا ہے کس کو عہدے سے کس طرح ہٹانا ہے۔ سپورٹس جرنلسٹ فرحان نثارنے کہا کہ زمبابوے کیخلاف ٹیم کی فتح اچھی بات ہے مگر ینگسٹرزکو زیادہ مواقع دئیے جائیں ۔ نجم سیٹھی جس طرح پی سی بی کے چیئرمین بنے اس کا سب کو معلوم ہے۔ نجم سیٹھی کو پتہ ہے کہ نئی حکومت آئے گی تو ان کیلئے عہدے کو برقرار رکھنا مشکل ہوگا 2013میں منتخب ہونے والی حکومت دست شفقت نجم سیٹھی کے سر پر تھا وزیر اعظم کے اختیار میں ہوتا ہے وہ جسے چاہے ہٹائے یا بنائے۔