لاہور (مانیٹرنگ ڈیسک) تجزیہ کار عبدلودود قریشی نے کہا کہ اپوزیشن تو چاہتی ہے کہ احتساب قوانین میں تبدیلی کردی جائے اگر عمران خان ایسا کرتے ہیں توپھر اپوزیشن جماعتیں تو ایسی ترامیم چاہیں گی کہ ان کی جان چھوٹ جائے۔ چینل ۵ کے پروگرام لائیوایٹ 8میں گفتگو کرتے ہوئے انہوں نے کہا کہ قوم نے تحریک انصاف کو اس لئے ووٹ دیا تھا کہ بلا امتیاز احتساب ہو اور کرپشن کا خاتمہ ہو قوانین موجود ہیں بس عملدرآمد کی ضرورت ہے۔تجزیہ کار میاں حبیب نے کہا کہ اپوزیشن اور حکومت کے درمیان اتحاد کا امکان موجود نہیں حکومت نے صرف اپوزیشن کو دعوت دی ہے کہ مل کر کام کریںاس میں غلط کچھ نہیں مہذب دنیا میں اپوزیشن اور حکومت ملکر کام کرتے ہیں تحریک انصاف نے دعوت دے کر اپنی ذمہ داری پوری کی۔ قانون سازی کے حوالے سے تحریک انصاف کو مشکلات اور چیلنجز کا سامنا رہے گا۔ سینٹ میں بل پاس کرانے کیلئے ن لیگ یا پیپلز پارٹی کی حمایت ضروری ہوگی نواز شریف اور شہباز شریف کے موقف میں فرق ہے۔تجزیہ کار خالد چوہدری نے کہا کہ تحریک انصاف کیلئے سب سے مشکل مرحلہ پنجاب کا ہے کیونکہ پنجاب پر ن لیگ کا ہولڈ رہا ہے تحریک انصاف کو دبنگ وزیر اعلٰی کی ضرورت ہے جو بیورو کریسی کو لگام ڈال سکے۔
