اسلام آباد (خصوصی رپورٹ) احتساب عدالت نے گواہ واجد ضیاءاور ایوان فیلڈ ریفرنس میں سزا یافتہ نواز شریف کو آج پندرہ اگست کو پھر طلب کر لیا‘ آئندہ سماعت پر واجد ضیاءپر جرح شروع ہو گی‘ تفتیشی افسر محموب عالم کو بھی بیان قلمبند کرانے کیلئے طلب کر لیا گیا۔ سپریم کورٹ سے نااہل ہونے والے سابق وزیراعظم نواز شریف کے قریبی دوست اور معروف بھارتی تاجر نوین جندال مشکل میں پھنس گئے۔ دہلی کورٹ نے جھاڑ کنڈکول منصوبے میں خوردبرد کرکے رقم منی لانڈرنگ کرنے کے الزام میں نوین جندال سمیت 14 افراد کو 15 اکتوبر کو طلب کرلیا۔ تفصیلات کے مطابق سپریم کورٹ سے نااہل ہونے والے سابق وزیراعظم نواز شریف کے قریبی دوست اور سٹیل کے شعبے میں تجارت کرنے والے معروف بھارتی تاجر نوین جندال مشکل میں پھنس گئے۔ دہلی کورٹ کے خصوصی جج نے جھاڑ کنڈکول منصوبے میں خوردبرد کرکے رقم منی لانڈرنگ کرنے کے الزام میں نوین جندال سمیت چودہ افراد کو پندرہ اکتوبر کو طلب کرلیا۔ عدالت نے اپنے حکم نامے میں کہا ہے کہ نوین جندال سمیت چودہ افراد کے خلاف شواہد موجود ہیں وہ 15 اکتوبر کو عدالت میں پیش ہوں۔ معروف بھارتی تاجر نوین جندال سابق وزیراعظم نوازشریف کے قریبی دوستوں میں شامل ہیں۔
