لاہور (کرائم رپو رٹر)ہربنس پورہ کا رہائشی شادیوں کا شوقین ،ایک بیوی کو زندہ جلایا جبکہ ایک گزشتہ کئی سالوں سے لاپتہ ہے، چوتھے نمبر والی بیوی شوہر کے خلاف اندراج مقدمہ کیلئے عدالت پہنچ گئی ،عدالت نے فیصلہ محفوظ کر لیا ۔ بتایا گیا ہے کہ ہر بنس پورہ کی رہائشی زبیدہ بی بی اپنے شوہر مقبول کے خلاف اندراج مقدمہ کیلئے عدالت پہنچ گئی۔زبیدہ بی بی کا کہنا ہے کہ میرے شوہر کو شادیاں کرنے کاشوق ہے جبکہ اس کی بیویوں میں میرا چوتھا نمبر ہے۔مقبول نے ایک بیوی زندہ جلادیاہے جبکہ ایک بیوی گذشتہ کئی سالوں سے لاپتہ ہے ۔ ایڈیشنل سیشن جج فیاض احمد بٹر نے درخواست پر سماعت کی ،عدالت نے اندراج مقدمہ کی درخواست پر فیصلہ محفوظ کرلیا۔