ممبئی (ویب ڈیسک ) اگرچہ بولی وڈ کی مہنگی ترین فلم کا اعزاز عامر خان اور امیتابھ بچن کی رواں ماہ 8 نومبر کو ریلیز ہونے والی فلم ’ٹھگس آف ہندوستان‘ کو حاصل ہے۔تاہم بھارت کی سب سے مہنگی فلم ’ٹو پوائنٹ زیرو‘ کو حاصل ہے، جسے 29 نومبر کو بھارت سمیت دنیا بھر میں ریلیز کردیا گیا۔اس فلم کا شائقین کئی ماہ سے انتظار کر رہے تھے، اطلاعات تھیں کہ یہ فلم رواں برس کے آغاز سے مکمل تھی اور اسے کسی بھی وقت ریلیز کیا جاسکتا ہے۔شائقین کے طویل انتظار کے بعد بالآخر فلم کی ٹیم نے اسے 29 نومبر کو ایک ایسے موقع پر ریلیز کیا، جب اس کے مد مقابل بھارت کی کوئی اور بڑی اور اچھی فلم نہیں تھی۔خیال کیا جا رہا تھا کہ رجنی کانت کی یہ فلم ’باہو بلی‘ سمیت تمام فلموں کی کمائی کے ریکارڈ توڑ کر نئے ریکارڈ بنانے میں کامیاب جائے گی، کیوں کہ بھارت بھر میں لوگ رجنی کانت کی فلموں کا شدت سے انتظار کرتے ہیں۔تاہم ایسا نہیں ہوا اور تمام تجزیہ نگاروں کے تجزیے بھی غلط ثابت ہوئے۔حیران کن طور پر ’ٹو پوائنٹ زیرو‘ بڑی فلموں کا تو دور کی بات ہے، کئی چھوٹی فلموں کا ریکارڈ توڑنے میں بھی ناکام گئی اور اس نے انتہائی کم کمائی کی۔توقع کی جا رہی تھی کہ ’ٹو پوائنٹ زیرو‘ پہلے ہی دن 50 کروڑ روپے سے زائد کی کمائی کرکے نئے ریکارڈ بنائے گی، تاہم ایسا نہیں ہوا۔حیران کن طورپر فلم نے ریلیز کے پہلے ہی دن صرف اور صرف 20 کروڑ روپے بٹورے، جو نہ صرف ٹھگس آف ہندوستان اور باہو بلی بلکہ کئی چھوٹی فلموں سے بھی کم کمائی ہے۔ٹائمز ناو¿ کے مطابق خیال کیا جا رہا تھا کہ ’پوائنٹ ٹو زیرو’ ریکارڈ کمائی کرنے میں کامیاب جائے گی، تاہم ایسا نہیں ہوا اور فلم نے پہلے دن انتہائی کم کمائی کرکے سب کو مایوس کردیا۔رپورٹ کے مطابق ’پوائنٹ ٹو زیرو‘ کے ہندی ورڑن نے بھارت بھر سے صرف 20 کروڑ روپے کمائے، جو عامر خان کی رواں ماہ ریلیز ہونے والی فلم ’ٹھگس آف ہندوستان‘ کی پہلے دن کی کمائی سے پورے 30 کروڑ روپے کم ہے۔ٹھگس آف ہندوستان کے ہندی ورڑن نے پہلے ہی دن صرف بھارت سے 50 کروڑ روپے بٹورے تھے، جب کہ اس فلم کے دیگر زبانوں کے ورڑنز نے بھی قریبا 2 کروڑ روپے بٹورے تھے۔
