لاہور (شوبز ڈیسک) اداکار غلام محی الدین نے کہا ہے کہ فلم انڈسٹری کو اپنے پاﺅں پر دوبارہ کھڑے ہونے کےلئے ایک دو سال مزید لگ سکتے ہیں‘ انڈین فلموں پر پابندی پاکستانی فلم ڈائریکٹر زکا امتحان ثابت ہو گی۔ اداکار غلام محی الدےن نے کہا کہ پنجابی فلموں کا زمانہ گزر چکا ہے اب نئی نسل ایکشن سے بھرپور فلمیں پسند کررہی ہے پاکستان میں انڈین فلموں اور چینلز کی پابندی ہماری فلم پروڈیوسر اور ڈائریکٹرز کےلئے کڑا امتحان ہے اب ان کو چاہیے کہ وہ شائقین کو اچھی تفریح مہیا کرنے کےلئے اعلیٰ معیار کی کہانیوں والی دیکھائیں تاکہ پاکستان کے شہری اپنی فلمیں دیکھنا شروع کریں۔