\پی ٹی آئی نے زرداری کے خلاف اثاثے چھپانے پر بڑا کام کر ڈالا جیالوں میں کھلبلی

اسلام آباد(اے این این) تحریک انصاف نے سابق صدر آصف زرداری کے خلاف نااہلی کی درخواست صوبائی الیکشن کمیشن کراچی میں جمع کرادی ۔پاکستان تحریک انصاف نے سابق صدر اور شریک چیئرمین پی پی پی آصف زرداری کے لاف نااہلی کی درخواست جمع کرادی ہے، پی ٹی آئی کے رہنما خرم شیر زمان نے درخواست صوبائی الیکشن کمیشن آفس کراچی میں جمع کرائی۔خرم شیر زمان پاکستان تحریک انصاف کے دیگر رہنماﺅں کے ساتھ سابق صدر اور شریک چیئرمین پی پی پی آصف زرداری کے خلاف نااہلی درخواست جمع کروانے کراچی میں الیکشن کمیشن کے دفتر پہنچے، الیکشن کمشنر سندھ یوسف خٹک نے کہا کہ درخواست سیکریٹری الیکشن کمیشن کو آپ نے خود جمع کرانا ہوگی، جس پر رہنما پی ٹی آئی نے کہا کہ آپ لکھ کر دے دیں۔ الیکشن کمشنر سندھ یوسف خٹک نے کہا کہ آپ بلاوجہ اس معاملے کو پیچیدہ بنا رہے ہیں۔ قانونی افسر الیکشن کمیشن نے کہا کہ اس معاملے پر عدالتی کارروائی کا اختیار اسلام آباد کے پاس ہے اور درخواست سیکریٹری الیکشن کمیشن کے نام پر لکھی جائے۔ تحریک انصاف کے رہنماﺅں کے اصرار پر الیکشن کمیشن درخواست اسلام آباد بھیجنے پر تیار ہوگیا، الیکشن کمیشن سندھ کی جانب سے بیان میں کہا گیا کہ ہم صرف اس درخواست کو اسلام آباد روانہ کریں گے۔ ریفرنس میں آصف زرداری کے امریکا میں اپارٹمنٹ چھپانے کو جواز بنایا جائے گا، ریفرنس کے متن میں کہا گیا کہ آصف زرداری نے گوشواروں میں یہ اپارٹمنٹ ظاہر نہیں کیا، آرٹیکل 62 اور 63 کے تحت تمام اثاثے ظاہر کرنا لازم ہے لہذا اثاثے چھپانے پر آصف زرداری رکن اسمبلی رہنے کے اہل نہیں،درخواست میں استدعا کی گئی کہ آئین کے مطابق آصف زرداری صادق اور امین نہیں رہے لہذا انہیں نااہل قرار دیا جائے۔۔واضح رہے کہ گزشتہ روز وفاقی وزیر اطلاعات فواد چوہدری نے آصف زرداری کے خلاف نا اہلی ریفرنس دائر کرنے کا اعلان کیا تھا۔ تحریک انصاف کے رہنما خرم شیر زمان نے کہا ہے کہ سلسلہ شروع ہو گیا کرپشن کے بڑے ہاتھیوں کیخلاف کارروائی ہو گی ،آصف زرداری کی پراپرٹی کے دستاویزات اور درخواست جمع کروائی ہے، آصف زرداری نے جائیداد کا قانونی دستاویزات میں ذکر نہیں کیا، الیکشن کمیشن سے گذارش ہے کہ جائیداد کی تحقیقات کی جائیں۔ الیکشن کمیشن میں درخواست دائر کرنے کے بعد میڈیا سے گفتگو کرتے ہوئے کہا کہ آصف زرداری کی پراپرٹی کے دستاویزات اور درخواست جمع کروائی ہے، آصف زرداری نے جائیداد کا قانونی دستاویزات میں ذکر نہیں کیا، الیکشن کمیشن سے گذارش ہے کہ جائیداد کی تحقیقات کی جائے اور اگر ہماری درخواست ٹھیک ہے تو آصف زرداری کو اسمبلی سے نااہل کیا جائے۔انہوں نے کہا کہ امریکا میں جائیداد کے کاغذات ہم نے جمع کرائے ہیں، اس بات کی تحقیقات کی جائے کہ یہ جائیداد کیسے خریدی گئی۔انہوں نے بتایا کہ یوسف خٹک نے معلوم کیا ہے اور اسلام آباد سے اجازت کے بعد درخواست لے لی ہے۔پی ٹی آئی رہنما نے مزید کہا کہ سلسلہ شروع ہوگیا ہے اور اب دوسرے کی باری ہے، اب دوسری اچھی خبر ملے گی،جے آئی ٹی تحقیقات میں لگی ہوئی ہے، کرپشن کے بڑے ہاتھیوں کے خلاف کارروائی ہوگی۔ انہوں نے کہا کہ عوام کا پیسا کیسے استعمال کیا ہے یہ پتا لگ رہا ہے، عوام کے پیسے سے ملک سے باہر پراپرٹی خریدی گئی، نیب بھی تحقیقات کرے کیونکہ وہ ایک آزاد ادارہ ہے۔واضح رہےکہ وفاقی وزیر اطلاعات فواد چوہدری نے گزشتہ روز دعوی کیا تھا کہ آصف زرداری امریکا میں اپارٹمنٹ کے مالک ہیں جو انہیں نے کاغذات نامزدگی میں ظاہر نہیں کی۔