بوریوالا(ویب ڈیسک)تحریک انصاف کی رہنما عائشہ نذیرجٹ نے آزادحیثیت سے الیکشن لڑنے کااعلان کردیا۔پی ٹی آئی رہنما عائشہ نذیر جٹ کا کہناتھا کہ این اے 162 ،163 کی نشست جیت کرعمران کوبطورتحفہ دینگے،ان کا کہناتھا کہ ہماری ٹکٹوں کے معاملے پرعمران خان پردباوڈالاگیا۔انہوں نے الزام عائد کیا کہ ٹکٹوں کے معاملے پراسحاق خاکوانی کاعمل داخل ہے،اسحاق خاکوانی نے ضمنی الیکشن میں بھی نقصان پہنچایاتھا،عائشہ نذیر جٹ نے کہا کہ جہانگیرترین کاروباری شخص ہیں اورکرپٹ عناصرکوترجیح دیتے ہیں۔

لاہور (ویب ڈیسک )پاکستان تحریک انصاف کے چیئرمین عمران خان نے ترک صدر رجب طیب اردگان کو تاریخی کامیابی پر مبارک باد دیتے ہوئے پیغام جاری کر دیاہے۔ٹویٹر پر جاری پیغام میں عمران خان کا کہناتھا کہ ” صدر رجب طیب اردگان آپ کو انتخابی کامیابی پر مبارک ہو ، امید ہے ان کا نیادور ترکی کی عوام کیلئے استحکام اور خوشحالی لائے گا۔ ترک صدر طیب رجب اردوان نے ترکی کے صدارتی انتخابات میں واضح برتری حاصل کی جبکہ ان کے مخالف امیدوار صدارتی ریس میں ان سے کہیں پیچھے رہ گئے۔ رجب اردوان نے 52فیصد ووٹوں کے ساتھ واضح برتری حاصل کی۔ اپوزیشن امیدوار محرم انجے 30فیصد ووٹ لیکر دوسرے نمبر پر رہے۔

لاہور(وقائع نگار)مرکزی علماءکونسل کے دارالافتاءکے سربراہ مفتی حفظ الرحمن بنوری اور دیگر مفتیان کی مشاورت سے تیار کئے گئے فتویٰ میں کہا گیا ہے کہ ووٹ ڈالنا عورت کی شرعی ذمہ داری ہے۔ اسلامی تعلیمات کے مطابق خواتین کو ووٹ ڈالنے کا پورا پورا حق دیا گیا ہے۔ عورتوںکو ووٹ ڈالنے سے اسلام نہیں جاگیردار اور وڈیرے روکتے ہیں۔الیکشن کمیشن پولنگ اسٹیشن پر خواتین عملے کی تعیناتی کو یقینی بنائے۔عورتوں کو ووٹ کے حق سے محروم کرنے والوںکیخلاف قانونی کارروائی ہونی چاہئے۔ الیکشن کمیشن ایسے امیدواروں کو الیکشن لڑنے کی اجازت نہ دے جس نے اپنی بہن اوربیٹی کو وراثت میں اس کا حق نہ دیا ہو۔مرکزی علماءکونسل کے چیئرمین صاحبزادہ زاہد محمود قاسمی نے ذرائع ابلاغ کو فتویٰ جاری کرتے ہوئے کہا ہے کہ اسلام نے خواتین کو جو حقوق دئیے ہیں وہ کسی اور مذہب نے نہیں دئیے۔ الیکشن 2018ءکے انتخابات میں ملک و قوم کو محب وطن ،ایماندار اور صالح قیادت کی ضرورت ہے ۔یہ اسی صورت ممکن ہوگی جب قومی یکجہتی کو فروغ دیکر پوری پاکستانی قوم اپنا دینی اور آئینی فریضہ سمجھتے ہوئے ووٹ کاسٹ کرے گی۔ سیاسی جماعتوں پر بھی ذمہ داری عائد ہوتی ہے کہ وہ خواتین کی سیاسی وانتخابی عمل میں شرکت کو یقینی بنانے کیلئے اپنا مو¿ثر طریقے سے کردار اداکریں۔عورتوں کو ووٹ ڈالنے سے روکنے والے اسلام اور پاکستان کو بدنام کررہے ہیں۔ پاکستانی قوم نے کسی قسم کے دباﺅ ،لالچ ،مفاد اور مصلحت سے بالاتر ہوکر اپنا ووٹ کاسٹ کیا تو ایک بہتر قیادت سامنے آئے گی جو پاکستان کو موجودہ حالات کے بھنور سے نکال سکے گی۔ انہوںنے کہا کہ مرکزی علماءکونسل کے تحت مختلف شہروں میں ”ووٹ کی شرعی حیثیت اور امیدوار کیسا ہونا چاہئے“ کے عنوان پر سیمینارز منعقد کئے جائیں گے اس سلسلہ میں 26جون کو ملتان،بہاولپور ،27جون رحیم یارخان ،خان پور،28جون کو خانیوال اورساہیوال میں ”ووٹ کی شرعی حیثیت اور امیدوار کیسا ہونا چاہئے“ کے عنوان پر سیمینارز ہوں گے۔

اسلام آباد (آن لائن)پیپلزپارٹی کے شریک چیئرمین آصف علی زرداری نے خطہ پوٹھوہار میں اپنے امیدواروں کی حمایت کیلئے بھرپور جوڑ توڑ میں مصروف ہیں، پاکستان تحریک انصاف سے ٹکٹ نہ ملنے والے اہم رہنما¶ں کی فہرست بھی طلب کر لی ، ملک احسان بڈانا کی پارٹی میں شمولیت پر انہیں خوش آمدید کہتے ہوئے حلقہ میں اہم ذمہ داریاں بھی سونپ دیں، گزشتہ روز پیپلزپارٹی اسلام آباد کے سینیئر نائب صدر ندیم ملک، حلقہ این اے 53کے امیدوار راجہ عمران اور ملک احسان بڈانا سے زرداری ہا¶س میں اہم ملاقات کی، اس دوران قمر الزمان کائرہ بھی موجود تھے، سابق صدر مملکت آصف علی زرداری نے احسان بڈانا کے پارٹی میں شامل ہونے پر خوش آمدید کہا اور اس موقع پر اسلام آباد کے نائب صدر ملک ندیم کو خصوصی ٹاسک دیا کہ وہ راجہ عمران اشرف کی بھی انتخابی مہم میں بھرپور حصہ لیں، اس موقع پر قمر الزمان کائرہ کو ٹاسک دیا کہ وہ پاکستان تحریک انصاف کے سینیئر رہنما¶ں جو کہ ٹکٹ سے محروم ہو گئے ہیں انکی فہرست تیار کرکے بتائیں، پاکستان پیپلزپارٹی واحد جماعت ہے جو کہ غریبوں اور مزدورں کی ہے کہ اس پارٹی میں متوسط طبقہ کی عزت کی جاتی ہے، آصف علی زرداری کا مزید کہنا تھا کہ وہ چاہتے ہیں عام آدمی کو پارٹی میں شامل کرکے عوام کی خدمت پر مامور کیا جائے، اس موقع پر سابق صدر مملکت آصف علی زرداری نے ندیم ملک کو مخاطب کرتے ہوئے کہا کہ آپ جیسے باشعور نوجوانوں سے بہت امید ہیں وابستہ ہیں اور ہمیں امید ہے کہ آپ دن رات ایک کرکے پارٹی کیلئے انتھک کوششیں کریں گے، راجہ عمران اشرف سے کہا کہ یوتھ پارٹی کا قیمتی سرمایہ ہیں اور آپ یوتھ کے حقوق کا خیال رکھیں گے تو کامیابی آپ کا سہرا بنے گی۔

اسلام آباد (آئی این پی) پاکستان مسلم لیگ (ن)نے ناراض پارٹی رہنما چوہدری نثار کے مقابلے میں قومی اسمبلی کی 2 اور صوبائی اسمبلی کی بھی 2 نشستوں پر اپنے امیدواروں کو پارٹی ٹکٹ جاری کردیے، (ن) لیگ نے این اے 59 اور پی پی 10 کیلئے راجہ قمرالاسلام جب کہ ممتاز خان کو این اے 63 کے لیے ٹکٹ جاری کر دیا۔ تفصیلات کے مطابق مسلم لیگ (ن)نے ناراض پارٹی رہنما چوہدری نثار کے مقابلے میں قومی اسمبلی کی 2 اور صوبائی اسمبلی کی بھی 2 نشستوں پر اپنے امیدواروں کو پارٹی ٹکٹ جاری کردیے ہیں مسلم لیگ (ن)نے قومی اسمبلی کے حلقہ این اے 59 اور پی پی 10 کے لیے راجہ قمرالاسلام کو ٹکٹ جاری کر دیا جب کہ ممتاز خان کو این اے 63 کے لیے ٹکٹ جاری کیا گیا ہے۔ (ن)لیگ کی جانب سے پی پی 13 سے چوہدری سرفراز افضل، پی پی 19 سے ذیشان صدیق بٹ کو ٹکٹ جاری کیا گیا۔مسلم لیگ (ن)نے پی پی 20 سے راجا سرفراز اصغر اور پی پی 12 کے لیے فیصل قیوم ملک کو پارٹی ٹکٹ دیا ہے۔ اس سے قبل اطلاعات تھیں کہ مسلم لیگ(ن) چوہدری نثار کے مقابلے میں اپنے امیدوار کھڑے نہیں کرے گی۔یاد رہے کہ چوہدری نثار علی خان قومی اسمبلی کے حلقہ این اے 59، این اے 63 اور صوبائی اسمبلی کی نشست پی پی 10 اور پی پی 12 سے انتخابات میں حصہ لے رہے ہیں۔

راولپنڈی (مانیٹرنگ ڈیسک) آئی ایس پی آر کا کہنا ہے کہ شمالی وزیرستان میں دہشتگردوں نے بارڈرپرباڑلگانےوالی پارٹی پرفائرنگ کی جس میں سپاہی نیازعلی شہید ہو گیا ۔ڈی جی آئی ایس پی آرمیجرجنرل آصف غفور کا اپنے بیان میں کہنا ہے کہ ملک کے لئے قوم کے ایک اوربیٹے نے جان قربان کردی۔ پاک افغان بارڈرپرسرحد پار سے دہشتگردوں نے حملہ اس وقت کیا جب باڑ لگائی جارہی تھی، حملہ میں شہید ہونےوالا29 سال کاسپاہی نیازعلی مردان کا رہائشی تھا۔آئی ایس پی آر کا کہنا تھا کہ انشا اللہ ، پاکستان ہر حال میں بارڈر پر باڑ لگائے گا اورافغانستان کا تعاون دونوں ممالک کے مفاد میں ہے۔ یادرہے کہ پاک افغان سرحد پر2611 کلو میٹر پر باڑ لگانی ہےجبکہ 255 کلومیٹر باڑ لگائی جاچکی ہے۔ میجر جنرل آصف غفور نے کہا کہ شمالی وزیر ستان میں فائرنگ افغانستان کی جانب سے کی گئی جس سے سپاہی نیاز علی شہید ہوگئے، وہ سرحد پار باڑ لگا رہے تھے، ہم بغیر خوف وخطر باڑ لگانے کا عمل مکمل کریں گے، باہمی مفاد کے تحت افغانستان کی جانب سے تعاون درکار ہے۔ میجر جنرل آصف غفور نے کہا ہے کہ پاک فوج سرحد پر 255کلو میٹر طویل باڑ لگائی جاچکی ہے، 397کلو میٹر تک باڑ لگانے کا عمل دسمبر تک مکمل ہوجائے گا۔

اسلام آباد(ویب ڈیسک )چیف جسٹس ثاقب نثار نے غیر قانونی شادی ہالز سے متعلق از خود نوٹس کی سماعت کے دوران ریمارکس دیتے ہوئے کہا کہ شادی ہالز والے اپنا بوریا بستر اٹھائیں، شادی ہالز سمیٹ کر کوئی دوسرا کاروبار کریں۔چیف جسٹس کی سربراہی میں غیر قانونی شادی ہالز سے متعلق از خود نوٹس کی تین رکنی بینچ نے سماعت کی جس دوران چیف جسٹس نے پوچھا کہ وفاقی ترقیاتی ادارے سی ڈی اے کے حکام سے پوچھا کہ غیر قانونی شادی ہالز کو کتنے نوٹسز دئیے، چیف جسٹس نے کہا کہ غیر قانونی شادی ہالز والے تاخیری حربے استعمال کر رہے ہیں۔سماعت کے شادی ہالز کے وکیل نے کہا کہ سی ڈی اے کو اپنی حدود کا علم نہیں، سی ڈی اے نے کئی شادی ہالز کو زمین الاٹ نہیں کی۔ چیف جسٹس نے کہا کہ کئی شادی ہالز والے سی ڈی اے کو فیس دینے کو تیار نہیں، شادی ہالز کے پاس کوئی سائیٹ پلان یا نقشہ نہیں ہے، کیوں نہ غیر قانونی شادی ہالز کو گرا دیا جائے۔ شادی ہالز کے وکیل نے بتایا کہ سی ڈی اے کو لائسنس فیس ادا کر رہے ہیں، سی ڈی اے کی فیس پر کوئی اعتراض نہیں۔