لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ سپنر اگر اچھا ہو تو میچ کا پانسہ پلٹ سکتا ہے کسی بھی ٹیم میں سپنرز کی اہمیت سے انکار نہیں کیا جا سکتا۔چینل فائیو کے پروگرام گگلی میں گفتگو کرتے ہوئے انہوں نے کہا کہ اس وقت آل راﺅنڈر کی کیٹیگری میں کوئی بھی پاکستانی نہیں آیا۔فہیم اشرف کی پرفارمنس بھی کچھ نہیں البتہ شاداب خان میں کافی صلاحیتیں ہیں۔فخر کی صرف ایک ہی اننگ اچھی رہی اس کے بعد وہ خاطر خواہ کارکردگی نہیں دکھا سکا۔میرے خیال میں شنواری کی جگہ شاہین شاہ آفریدی کو کھلانا چاہئے یا فہیم اشرف کی جگہ کھلانا چاہئے۔یہ لوگ فخر کو بہت بڑا کرکٹر سمجھتے ہیں اس لئے اسے تو نہیں بٹھائیں گے۔انہوں نے کہا کہ اگر ڈے نائٹ کھیل ہو تو رات کو پنک بال استعمال ہوتا ہے۔میں سمجھتا ہوں ٹیم میں آل راﺅنڈر کھلاڑی ہونے چاہئیں۔
