کراچی(ویب ڈیسک) نئی مانیٹری پالیسی سے وابستہ مثبت توقعات پربڑھتی ہوئی خریداری سرگرمیوں، منی بجٹ اقدامات سے متعلق عالمی ریٹنگ کمپنی موڈیز کی مثبت پیشگوئیوں اوربجٹ اقدمات سے برآمدات پیداوار اورغیرملکی سرمائے کیآمد میں اضافے کی توقعات پر مشتمل رپورٹ کے اجرا کے باعث پاکستان اسٹاک ایکس چینج میں جمعرات کو بھی تیزی کا تسلسل قائم رہا۔انڈیکس کی 40700پوائنٹس کی حد بھی بحال ہوگئی۔ تیزی کے سبب68.81 فیصد حصص کی قیمتیں بڑھ گئیں جبکہ حصص کی مالیت میں مزید4ارب 60کروڑ34 لاکھ 90ہزار 765روپے کا اضافہ ہوگیا۔ کاروبار کے اختتام پرکے ایس ای100 انڈیکس پوائنٹس کے اضافے سے 40799.53 ہوگیا۔کے ایس ای30 انڈیکس 19577، کے ایم آئی30 انڈیکس 68267اور پی ایس ایکس کے ایم آئی انڈیکس 19733 ہوگیا۔
اسٹاک مارکیٹ میں تیزی،40700 پوائنٹس کی حد بھی بحال
