لاہور (ویب ڈیسک ) معذوری کو شکست دینے اور اس حوالے سے بچوں میں آگہی پیدا کرنے کے لیے مقبول باربی ڈولز بھی اب مصنوعی اعضائ اور وہیل چیئرز کے ساتھ بنائی جائیں گی۔
امریکی نشریاتی ادارے سی این این کی رپورٹ کے مطابق رواں برس جون میں باربی بنانے والی کمپنی ایسی گڑیا (ڈولز) متعارف کروائے گی جو مصنوعی اعضائ یا پھر وہیل چیئر کے ساتھ ہو گی۔
مصنوعی اعضائ اور وہیل چیئر کے ساتھ یہ خصوصی باربی ڈولز میٹل کمپنی اور 13 سالہ معذور کارکن جورڈن ریوس کے اشتراک سے بنائی جا رہی ہیں جو پیدائشی طور پر بائیں بازو سے محروم ہیں۔
ان ڈولز کا مقصد بچوں کو خوبصورتی کے مختلف پہلوو¿ں سے آگاہ کرنا ہے۔
میٹل کمپنی کا ایک بیان میں کہنا تھا کہ ’ایک برانڈ کے طور پر ہم فیشن ڈولز کے ذریعے جسمانی معذوری کے حوالے سے گفتگو کرسکتے ہیں اور مختلف طرح سے فیشن اور خوبصورتی کو اجاگر کر سکتے ہیں‘۔
کمپنی کے مطابق جسمانی معذوری کی آگہی کے لیے سب سے زیادہ وہیل چیئر والی باربی ڈول بنانے کی درخواست موصول ہوئی، جس کے لیے وہیل چیئرز بنانے والے ماہرین کے ساتھ کام کیا گیا۔
یہ کمپنی باربی ڈولز میں مصنوعی اعضائ اور وہیل چیئر سمیت اس کے ڈریم ہاو¿س میں وہیل چیئر ریمپ بھی شامل کرے گی۔
باربی ڈول کی نئی ل±ک تمام معذور افراد کے حقوق کی نشاندہی بھی کرے گی تاکہ عام بچے بھی جسمانی معذوری سے آگاہ ہوسکیں۔
