بیوی جنت میں جانے کا دروازہ : مصری عالم کا فتویٰ

قاہرہ( خصوصی رپورٹ )مصر کی جامعہ الازھر کے ایک سرکردہ عالم دین نے متنازع فتوی صادر کیا ہے جس پر سوشل میڈیا اور عوامی حلقوں کی طرف سے سخت ردعمل سامنے آیا ہے۔جامعہ الازھر کے عالم دین الشیخ محمد ابو بکر نے ایک ٹیلی ویژن کو دیے گئے انٹریو میں کہا کہ ‘جب تک بیوی ناراض رہے گی اس کا شوہرجنت میں داخل نہیں ہوگا۔ جنت میں جانے کے لیے شوہرکوبیوی کی خوشنودی حاصل کرنا ضروری ہے۔ انہوںنے کہا کہ مرد اس وقت تک جنت میں نہیں جائے گا جب تک اس کے اخلاق سے اس کی بیوی خوش نہ ہو۔اگر بیوی ناراض ہوگی تو فرشتے اس کے شوہر پر لعنت کریں گے۔اس لیے مردوں کو یہ معلوم ہونا چاہیے کہ ان کی بیگمات جنت میں داخلے کا دروازہ ہیں’۔الشیخ ابو بکر کے اس متنازع بیان کے سامنے آنے کے فوری بعد اس پر سوشل میڈیا پر سخت رد عمل سامنے آنا شروع ہوگیا۔ ناقدین کا کہنا ہےکہ جامعہ الازھر کےعالم دین نے سستی شہرت کے حصول کے لیےمتنازع فتوی صادر کیا ہے، حالانکہ اس حوالےسےقرآن کریم اور احادیث رسول میں ایسی کوئی نص قطعی موجود نہیں ہے۔