تازہ تر ین

اورنج لائن ٹرین کون چلائے گا؟ فیصلہ آج متوقع

لاہور(ویب ڈیسک) پنجاب حکومت کی طرف سے اورنج لائن ٹرین کو چلانے کے لیے ٹھیکیداروں کاحتمی فیصلہ آج متوقع ہے۔ذرائع نے بتایا ہے کہ اورنج لائن پراجیکٹ کوپنجاب حکومت کی جانب سے بنائی گئی کمیٹی آج کمپنیوں کے نام فائنل کرے گی۔چیئرمین پی اینڈ ڈی حبیب الرحمن گیلانی کی سربراہی میں اہم اجلاس ہوگا۔اس سے قبل چینی کمپنی کو ٹھیکہ دینے کے لیے حتمی نام ایوان وزیر اعلی کو بھیجے گئے تھے۔وزیر اعلی پنجاب نے چینی کمپنی کو دس سال کا ٹھیکہ دینے پر برہمی کا اظہار کیاتھا۔وزیراعلی پنجاب سردار عثمان احمد خان بزدار نے کمیٹی کو اورنج لائن ٹرین منصوبے کے متعلق نئے ٹی او آرز طے کرنے کاحکم دیا ہے۔اورنج لائن ٹرین منصوبے کے آپریشن اینڈ مینٹیننس اخراجات کے لئے چین کی ایم سی آر سی سی آئی جے وی نامی کمپنی کو ٹھیکہ دینے کی پیشکش تھی۔ چینی کمپنی نے آپریشن اینڈ مینٹیننس کے لیے پیینتالیس کروڑ روپے کی بولی دی تھی۔اورنج لائن ٹرین پراجیکٹ میں کرایوں کے حصول کے لیے ایم ایس سوپر نیٹ لمیٹڈ کمپنی کو ٹھیکہ دینے کی تجویزبھی دی گئی تھی۔سابق وزیرا علی پنجاب شہباز شریف کی طرف سے شروع کیے گئے اورنج لائن ٹرین کی سیکیورٹی سروسز کے لیے کراچی کی ایم ایس سیکیورٹی پرائیوٹ لمیٹڈ کو دینے کی تجویز دی گئی تھی۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved