لاس اینجلس:(ویب ڈیسک) چند دوستوں کے لیے ڈراو¿نا خواب بن جانے والا جوکر کئی برس بعد لوٹ آیا ہے.تفصیلات کے مطابق عام طور پر جوکر کو ہنسنے ہنسانے، تفریح فراہم کرنے والے کردار کے طور پر دیکھا جاتا ہے، مگر اس جوکر کی کہانی یکسر مختلف ہے.یہ جوکر خوف اور دہشت کی علامت ہے، ایک ایسا عفریت، جس کا خوف بچوں کے سروں پر منڈلاتا رہتا ہے اور اب یہ 27 برس بعد اپنا انتقام لینے لوٹ آیا ہے.یہ کہانی ہے رواں برس 6 ستمبر کو ریلیز ہونے والی معروف فلم اٹ چیپٹر ٹو (It Chapter Two) کی، جو 2017 میں ریلیز ہونے والی فلم ’اٹ ‘کا دوسرا پارٹ ہے.یہ فلم اپنے عہد کے ممتاز فکشن نگار اسٹیفن کنگ کے ناول پر مبنی ہے، جسے ماضی میں بھی کئی بار فلمایا جاچکا ہے، مگر اس کا سحر کم نہیں ہوا.اسٹیفن کنگ ایک امریکی مصنف ہیں، جو سسپنس، ہارر اور فینٹاسی جیسی ادبی اصناف میں اپنی مثال عام ہیں. ان کے کئی ناولز کو فلموں کے قالب میں ڈھالا گیا، جن میں آسٹینلے کوبرک کی “دی شائینگ” نمایاں ہےَفلم کو دنیا بھر میں مختلف زبانوں میں ریلیز کیا جائے گا، پروڈیوسرز ریکارڈ بزنس کی توقع کر رہے ہیں.