ہوسٹن:(ویب ڈیسک) عالمی دوروں پر اپنی بے تکی حرکتوں کی وجہ سے شہرت رکھنے والے بھارتی وزیراعظم نریندر مودی کو دورہ امریکا کے دوران سینیٹر جان کورنین کی اہلیہ سے معافی مانگنا پڑگئی۔بین الاقوامی خبر رساں ادارے کے مطابق ہوسٹن میں بھارتی وزیراعظم نریندر مودی نے ایک جلسے سے خطاب کیا جس میں شرکت کے لیے امریکی سینیٹر جان کورنین بھی موجود تھے۔جان کورنین نے بھارتی وزیراعظم کو بتایا کہ ا?ج ان کی اہلیہ کی سالگرہ ہے تاہم وہ اپنی اہلیہ کے ساتھ وقت گزارنے کے بجائے جلسے میں شرکت کے لیے چلے ا?ئے جس پر اہلیہ ناراض بھی ہیں۔بھارتی وزیراعظم مودی کسی پروٹوکول کا خیال کیے بغیر نجی معاملے میں کود پڑے اور ایک ویڈیو بیان جاری کردیا جس میں سینیٹر جان کورنین کی اہلیہ کو سالگرہ کی مبارک باد دیتے ہوئے معذرت کی کہ ان کی وجہ سے جوڑا ایک ساتھ سالگرہ نہ منا سکا۔
