لاہو ر (ویب ڈیسک)پاکستانی اداکار و میزبان وینا ملک نے بھارتی ٹیم کے سابق بولر ہربھجن سنگھ کو انگریزی زبان پر تنقید کرنے پر کرارا جواب دے کر لاجواب کر دیا۔حال ہی میں بھارتی ٹیم کے سابق اسپنر ہربھجن سنگھ نے اپنے سوشل میڈیا اکاو¿نٹ سے ٹوئٹ شیئر کرتے ہوئے اقوام متحدہ کی جنرل اسمبلی میں پیش کی جانے والی وزیراعظم پاکستان عمران خان کی تقریر پر تنقید کی اور کہا کہ وہ ’بلڈ باتھ‘ لفظ استعمال کر کے نفرت انگیزی کو خود پھیلا رہے ہیں۔ایسے میں وینا ملک نے خاموشی توڑتے ہوئے ہربھجن سنگھ کو جواب دیا کہ وزیراعظم عمران خان نے اپنی تقریر میں امن سے متعلق بات کی ہے۔ انہوں نے اس حقیقت اور خوف کے بارے میں بات کی ہے جو یقیناً جب آئے گا جب کرفیو ہٹا دیا جائے گا، پھر خون کی بارش ہوگی، اور انہوں نے خدشہ ظاہر کیا ہے دھمکی نہیں دی۔وینا ملک نے اپنے جواب کے اختتام میں ہربھجن سنگھ سے یہ سوال بھی کیا کہ کیا آپ کو انگریزی سمجھ نہیں آتی؟جس پر ہربھجن نے وینا ملک کو جواب دینے کے لیے ان کی ٹوئٹ میں ہی اِملے کی غلطی کی نشاندہی کی جس میں surely کے بجائے surly لکھا ہوا تھا۔ہربجھن نے وینا ملک کا مذاق اڑاتے ہوئے لکھا کہ لو جی دیکھو ان کی یہ انگریزی، آئندہ کے لیے کوشش کریں اور کچھ بھی انگریزی میں لکھنے سے قبل اسے پڑھ لیں۔بھارتی بولر کو لاجواب کرتے ہوئے اداکارہ نے سب سے پہلے ا±ن کی خود کی انگریزی کی غلطیاں واضح کیں اور پھر پوچھا کہ کیا کہہ رہے تھے آپ کہ مجھے انگریزی نہیں آتی؟بعدازاں وینا ملک نے ہربھجن کو چائے کے ساتھ غلطیاں دیکھنے کا مشورہ دیا جس پر سابق بھارتی بولر لاجواب ہو گئے۔
