بلند فشار خون یا ہائی بلڈ پریشر سے بہت سے لوگ متاثر ہیں اور اس کی وجہ سے دل کا دورہ اور فالج جیسی بیماریوں کے خطرات بڑھ جاتے ہیں۔ماہرین کے مطابق اس بیماری میں مریض کی خوراک اور روز مرّہ کی عادات میں کچھ تبدیلیاں کرکے اسے کنٹرول کیا جاسکتا ہے۔اگر آپ بھی ہائی بلڈ پیشر جیسی بیماری میں مبتلا ہیں تو آپ کو اپنی خوراک میں چند تبدیلیاں کرنی پڑیں گی جس سے آپ کو اپنی صحت میں کافی مثبت تبدیلیاں محسوس ہوں گی۔نمک اور شکر دو ایسے اجزاء ہیں جن کا استعمال ہر چیز کو مزیدار بنانے میں کیا جاتا ہے، ہائی بلڈ پریشر کے مریضوں کے لیے نمک اور شکر کی زائد مقدار نقصان کا باعث بنتی ہے، اب اس بات کا ہرگز یہ مطلب نہیں ہے کہ آپ نمک اور شکر کا استعمال کرنا ہی بند کردیں۔ہائی بلڈ پریشر کے مریض نمک اور شکر کو بہت محدود مقدار میں استعمال کریں ایسا کرنے سے ان کی صحت متاثر نہیں ہوگی۔امریکن ہارٹ ایسوسی ایشن کے مطابق مردوں کو روزانہ 37.5 گرام یعنی 9 ٹی اسپون شکر کا استعمال کرنا چاہیے جبکہ خواتین کو25 گرام یعنی 6 ٹی اسپون شکر کا روز استعمال کرنا چاہیے۔ اگر ہم کیفینیٹڈ سوڈا کی بات کریں تو اس میں 33 گرام شکر موجود ہوتی ہے، ان تمام تر باتوں کو مد نطر رکھتے ہوئے معتدل مقدار میں شکر اور نمک کا استعمال کیجیئے۔آئیے ہم آپ کو بتائیں کہ بلند فشار خون میں آپ کو کن کن چیزوں سے گریز کرنا چاہیے۔
