چترال(ویب ڈیسک)پاک افغان سرحد پر پاکستان اور افغانستان کی سیکیورٹی فورسز میں فائرنگ کا تبادلہ ہوا جس کے نتیجے میں 6 فوجی جوانوں اور ایک خاتون سمیت 11 افراد زخمی ہوگئے۔ پاک فوج کے شعبہ تعلقات عامہ (آئی ایس پی آر) کے مطابق افغان سیکیورٹی فورسز نے چترال کےگاو¿ں اروندو کی شہری آبادی کو نشانہ بنایا اور افغان ضلع ناری سے مارٹرز اور بھاری مشین گن سے فائرنگ کی۔ آئی ایس پی آر نے بتایا کہ افغان فورسز کی فائرنگ سے 6 فوجی اہلکار اور خاتون سمیت 5 عام شہری زخمی ہوئے۔آئی ایس پی آر کا کہنا ہے کہ پاک فوج نے جوابی کارروائی میں افغان سرحدی چوکیوں کندکسی اور دلبر کو مو¿ثر طور پر نشانہ بنایا اور چیک پوسٹوں کو تباہ کیا۔یاد رہے کہ پاک افغان سرحد پر پاک فوج باڑ لگانے کے کام میں مصروف ہے اور اس دوران افغانستان کی جانب سے متعدد بار شرپسندوں نے فوجی جوانوں کو نشانہ بنایا ہے جس کے نتیجے میں کئی جوان شہید ہوچکے ہیں۔
