اسلام آباد (ویب ڈیسک) وزیراعظم عمران خان کے معاون خصوصی زلفی بخاری نے خواجہ آصف کو 1 ارب روپے کے ہرجانے کا قانونی نوٹس بھیج دیا۔ قانونی نوٹس کے ذریعے زلفی بخاری نے خواجہ آصف کو الزامات فوری واپس لینے کا مطالبہ کیا ہے۔ پیر 30 مارچ کو پی ٹی آئی رہنما زلفی بخاری کی جانب سے قانونی نوٹس 2002 ءکے ہتک عزت آرڈیننس کی دفعہ 8 کے تحت بھجوایا گیا ہے جس میں خواجہ آصف سے اعلانیہ معافی مانگنے کا بھی مطالبہ کیا گیا ہے۔ زلفی بخاری کی جانب سے خواجہ آصف کو الزامات کی واپسی اور معافی کے لیے 14 روز کی مہلت دی گئی ہے۔ نوٹس کے متن کے مطابق من گھڑت الزامات کے ذریعے خواجہ آصف نے زلفی بخاری کی ساکھ مجروح کی ہے۔ معاون خصوصی زلفی بخاری کا کہنا ہے کہ خواجہ معافی مانگے یا عدالتی کارروائی کا سامنا کرنے کیلئے تیار رہے۔
زلفی بخاری نے خواجہ آصف کوایک ارب ہرجانے کانوٹس بھیج دیا
