شاہدرہ، فیروز والا (بیورو رپورٹ) شاہدرہ میں پنجاب حکومت کی جانب سے کورونا ریلیف فنڈز کے مستحق افراد کو لوٹنے کیلئے نوسرباز گروہ متحرک غریب متاثرین کو 50روپے فی کس جعلی فارم دیئے جانے لگے۔ تفصیلات کے مطابق پنجاب حکومت کے کرونا ریلیف فنڈز کے اعلان کے بعد نوسرباز گروہ نے لوٹ مار کا سلسلہ شروع کردیا ہے شاہدرہ کی آبادی برکت ٹاﺅن میں ایک متحرک نوسرباز گروہ نے کرونا ریلیف فنڈ مالی امداد کا جھانسہ دیکر غریب مستحق افراد کو فی کس 50روپے میں جعلی فارم فروخت کرنا شروع کردیئے ہیں امداد تقسیم فارم کی دستیابی کی اطلاع ملتے ہیں شاہدرہ فیروز والا کی درجنوں آبادیوں کے مکین مرد و خواتین فارم خریدنے پہنچ گئے لوگ پہلے ہی لاک ڈاﺅن کی وجہ سے مشکلا ت کا شکار ہیں اوپر سے ایسے نوسرباز لوگوں کی مجبوری کا فائدہ اٹھارہے ہیں متاثرہ شہریوں کا کہنا ہے کہ وزیراعلیٰ پنجاب اور آئی جی پنجاب کو ایسے نوسرباز گروہ کے خلاف سخت ایکشن لینا چاہیے جو لوگوں کی ناجائز مجبوری کا فائدہ اٹھاکر متاثرین کو لوٹ رہے ہیں۔
نوسرباز گروہ ریلف فنڈ کا جعلی فارم 50 روپے میں بھیجتا رہا
