ویب ڈیسک : وزیر خارجہ شاہ محمود قریشی کا کہنا ہے کہ کورونا وائرس کے تناظر میں تیزی سے بدلتے ہوئے عالمی منظرنامے کے پیش نظر سفارتی چیلنجوں کو سمجھنے کے لئے تھنک ٹینکس کا کردار ناگزیر ہے۔
تفصیلات کے مطابق وزیر خارجہ کی زیر صدارت انسٹیٹیوٹ آف اسٹریٹیجک اسٹڈیز اسلام آبادکے محققین کا اجلاس منعقد ہوا جس میں ان کا کہنا تھا کہ سفارتی چیلنجز کے ادراک کیلئے تھنک ٹینکس کا کردار ناگزیر ہے۔
وزیر خارجہ نے کہا ہے کہ تھنک ٹینکس کو آسیان، سارک اور دیگر علاقائی فورمز پر موجود تھنک ٹینکس کیساتھ روابط بڑھانے کی ضرورت ہے۔
دوسری جانب وزیر خارجہ سے سارک چیمبر آف کامرس اینڈ انڈسٹری کے وفدکی ملاقات ہوئی ہے۔
ملاقات میں وزیر خارجہ نے کہا ہے کہ سارک ملکوں کے ساتھ تجارتی تعلقات کا فروغ اہم ترجیح ہے لیکن بدقسمتی سے سارک ملکوں کی باہمی تجارت کا حجم انتہائی کم ہے۔
زیر خارجہ نے کہا ہے کہ سارک ملکوں میں اقتصادی تعاون کے فروغ سے غربت کم کرنے میں مدد ملے گی۔
