اسلام آباد: حکومت مخالف اتحاد(پی ڈی ایم) کا سربراہی اجلاس طلب کرلیا گیا،پی ڈی ایم کا سربراہی اجلاس 2 جنوری کو اسلام آباد میں ہوگا۔
ترجمان کے مطابق 2 جنوری کو اسلام آباد میں طلب کیے گئے حکومت مخالف اتحاد(پی ڈی ایم) کےسربراہی اجلاس کی صدارت جمیعت علمائے اسلام (ف)کے سربراہ مولانا فضل الرحمان کریں گے۔اجلاس میں استعفوں،لانگ مارچ،سینٹ الیکشن اور ضمنی انتخابات سمیت دیگر امور زیر بحث ہوں گے جبکہ اجلاس میں موجودہ ملکی سیاسی صورتحال اورپی ڈی ایم کی اب تک کی کارکردگی کے حوالے سے بھی جائزہ لیا جائے گا۔
ترجمان نے مزید کہا کہ اجلاس میں حکومت کی جانب سے پی ڈی ایم قیادت کی کردار کشی مہم کی مذمت کی جائے گی اور اجلاس میں حکومت پر مزید دباؤ بڑھانے کی حکمت عملی پر مشاورت کی جائے گی۔