لاہور(ویب ڈیسک)پاکستان کی معروف اداکارہ جویریہ سعود نے چند روز قبل اپنے بچوں بیٹی جنت اور بیٹا ابراہیم کے ہمراہ ٹک ٹاک پر چند ویڈیوز بناکر شیئر کیں جو بعدازاں سوشل میڈیا پر خوب وائرل بھی ہوئیں۔ویڈیوزمیں دیکھا جاسکتا ہے کہ جویریہ سعود ان کی بیٹی جنت اور بیٹا ابراہیم سیاہ شرٹس میں ملبوس کسی انگریزی گانے پر پرفارم کرتے نظر آئے۔سوشل میڈیا پر ان ویڈیوز کے وائرل ہونے کے بعد لوگوں نے اداکارہ اور ان کے بچوں پر کمنٹس کیے اور دنیا بھر میں کورونا وائرس کی تیزی سے پھیلتی اس وبا کے دوران ایسی ویڈیوز شیئر کرنے پر تنقید کا نشانہ بھی بنایا۔اس کے بعد اداکارہ جویریہ سعود نے ان تمام افراد کی جانب سے کی گئی تنقید کے جواب میں ایک نئی ویڈیو فیس بک شیئر کی۔ جس میں انہوں نے لوگوں کے نفرت بھرے کمنٹس کا جواب دیا ہے۔ویڈیو میں اداکارہ کا لوگوں کوجواب دیتے ہوئےکہنا ہے کہ جب تک ان کے خلاف ایسے نفرت بھرے کمنٹس سامنے آئے وہ خاموش رہیں تاہم اپنے بچوں کے خلاف کی گئی کسی بھی بات پر وہ خاموش نہیں رہیں گی

لاہور(ویب ڈیسک)پاکستان کے نامور سوشل میڈیا آرٹسٹ وقار ذکا نے اپنے سوشل میڈیا کی تمام کمائی کورونا وائرس کے متاثرین کے نام کرنے کا اعلان کردیا۔تفصیلات کے مطابق وقار ذکا وہ واحد سوشل میڈیا آرٹسٹ ہیں جو کورونا وائرس کے متاثرین کے لیے اپنی تمام کمائی دینے کے لیے میدان میں آگئے۔صرف یہی نہیں ، جب سب لوگ کورونا وائرس سے خوفزدہ ہیں اور تمام نیوز چینلز صرف کورونا کی باتیں کررہےہیں ایسے میں وقار ذکا عوام کا ڈپریشن کم کرنے اور ان کی انٹرٹینمنٹ کی کے لیے ’ہیڈ فون شو ‘کے نام سے ایک منفرد شو لے آئے۔وقار ذکا کا ’ہیڈ فون شو‘ دیکھتے ہی دیکھتے عوام میں مقبولیت حاصل کرگیا ہے اور اس وقت ٹرینڈنگ میں رہنے والاواحد انٹرٹینمنٹ شو بن گیا ہے۔وقار ذکا کا’ہیڈ فون شو‘ صرف دو دن میں 862 ڈالرز کی امداد جمع کرچکا ہے جو کہ سب کورونا وائرس کے متاثرین کی امداد کے لیے استعمال کیے جائیں گے۔وقار ذکا وہ واحد آرٹسٹ ہیں جو امداد کی مد میں جمع ہوئی رقم سو فیصد مستحق افراد تک پہنچاتے ہیں۔ انہوں نے اس کے لیے ایک ٹرینڈ ’نیکی کر سوشل میڈیا پہ ڈال‘ کے نام سے پانچ سال قبل شروع کیا تھا۔اگرآپ بھی کورونا سے متعلق خبریں سن کر ڈپریشن کا شکار ہوچکے ہیں تو یوٹیوب کھولیے اور ’ہیڈ فون شو‘ سے لطف اندوز ہوئیں۔

لاہور(ویب ڈیسک)برطانوی شہزادہ ہیری اور ان کی اہلیہ میگھن مارکل ڈزنی کی ڈاکیومنٹری ’ایلیفینٹس‘ کے ساتھ شوبز میں واپسی کرنے جارہی ہیں۔ میگھن مارکل اس ڈاکیومنٹری میں کوئی کردار ادا نہیں کریں گی بلکہ جانوروں پر مبنی اس ڈاکیومنٹری کو صرف اپنی آواز دیں گی۔ڈزنی اسٹوڈیو نے حال ہی میں اعلان کیا کہ برطانوی شہزادہ ہیری کی اہلیہ نے رواں سال 3 اپریل کو ریلیز ہونے والی اس فلم کو اپنی آواز دی ہے یہ فلم ڈزنی کی اسٹریمنگ سروس پر ریلیز ہوگی۔اس ڈاکیومنٹری کی کہانی ہاتھیوں کے ایک خاندان کے سفر پر مبنی ہے۔ برطانوی شہزادہ ہیری اور ان کی اہلیہ میگھن مارکل نے رواں سال 9 جنوری کو شاہی حیثیت سے دستبرداری کا اعلان کیا تھا جس کے بعد یہ خبریں سامنے آئی تھی کہ میگھن ڈزنی کی ایک فلم کے ساتھ شوبز میں واپسی کریں گی اور اب اس فلم کا نام بھی منظر عام پر آگیا۔

لاہور(ویب ڈیسک)کورونا وائرس کے باعث ملک بھر میں لاک ڈاون جاری ہے۔کورونا وائرس سے اپنے آپ کو اور فیملی کو محفوظ رکھنے کے لیے فنکاروں نے خود کو گھروں میں قرنطینہ کرلیا۔قرنطینہ میں جانے کے بعد فنکاروں کی دلچسپ سرگرمیوں کی ویڈیوزمیں خوب وائرل ہورہی ہیں۔بول نائٹز پروگرام کے میزبان احسن خان نے بچوں کیساتھ اصلاح کیلئے قرآن پاک کی تاریخی کتابوں کا مطالعہ شروع کردیا۔

لاس اینجلس(ویب ڈیسک) آسکرایوارڈ یافتہ ہالی ووڈ اداکار ٹام ہینکس اور ان کی اہلیہ ریٹا ولسن نے کورونا کو شکست دے دی۔اداکار ٹام ہینکس نے تقریباً دو ہفتے قبل انسٹاگرام پر ان میں اوران کی اہلیہ ریٹا ولسن میں کورونا کا ٹیسٹ مثبت آنے کی تصدیق کی تھی۔ ٹام ہینکس نے ٹیسٹ مثبت آنے کے بعد حفاظتی تدابیر اختیار کرتے ہوئے خود کو اہلیہ کے ساتھ آسٹریلیا میں قرنطینہ کرلیا تھا اور اس دوران سوشل میڈیا پر مداحوں کو اپنی صحت کے حوالے سے باخبر بھی کررہے تھے۔تاہم اب خبر سامنے آئی ہے کہ ٹام ہینکس اور ریٹا ولسن نے کورونا کو شکست دے دی ہے۔ بین الاقوامی میڈیا کے مطابق ٹام اور ریٹا صحت یاب ہونے کے بعد گزشتہ روز آسٹریلیا سے لاس اینجلس اپنے گھر واپس آگئے ہیں۔ٹام ہینکس نے 12 مارچ کو سوشل میڈیا پر اعلان کیا تھا کہ ان میں اور ان کی اہلیہ میں کووڈ19 کی تشخیص ہوئی ہے۔ دنیا بھر میں کورونا کی وبا پھیلنے کے بعد ٹام ہینکس اور ان کی اہلیہ پہلے ہالی ووڈ فنکار تھے جن میں کووڈ 19 کا ٹیسٹ مثبت آیاتھا۔ یہ خبر سامنے آتے ہی ان کے مداحوں اوردیگر فنکاروں میں تشویش کی لہر دوڑ گئی تھی۔ یہ جوڑا دوہفتے قبل آنجہانی گلوکار ایلوس پریسلے کی زندگی پر مبنی فلم میں کام کی غرض سے آسٹریلیا میں موجود تھا۔ تاہم کورونا کا ٹیسٹ مثبت آنے کے بعد دونوں نے آسٹریلیا میں ہی خود کو قرنطینہ کرنےکا فیصلہ کیا۔ ٹام ہینکس کے علاوہ ہالی ووڈ اداکار ادریس البا، ”گیم آف تھرونز“ کے اداکار کرسٹوفر ہیوجو اور سابق بانڈ گرل اولگا کری لینکو میں بھی کوڈ 19 کی تشخیص ہوچکی ہے۔