اپوزیشن جماعتوں کے اتحاد پاکستان ڈیموکریٹک موومنٹ (پی ڈی ایم) نے وزیراعظم کو اعتماد کے ووٹ کیلئے کل (ہفتہ کو) ہونیوالے قومی اسمبلی کے اجلاس میں شرکت نہ کرنے کا فیصلہ کرلیا۔
وزیراعظم عمران خان نے سینیٹ الیکشن میں اسلام آباد سے ڈاکٹر حفیظ شیخ کو یوسف رضا گیلانی کے ہاتھوں شکست کے بعد قومی اسمبلی سے اعتماد کا ووٹ لینے کا اعلان کیا تھا۔
قومی اسمبلی کا اجلاس ہفتہ کی صبح ہوگا، تاہم اپوزیشن جماعتوں کے اتحاد پاکستان ڈیموکریٹک موومنٹ نے اجلاس کے بائیکاٹ کا اعلان کردیا۔ مسلم لیگ ن، پاکستان پیپلزپارٹی، عوامی نیشنل پارٹی سمیت دیگر جماعتیں قومی اسمبلی کے اجلاس میں شرکت نہیں کریں گے۔
دوسری جانب قومی اسمبلی اجلاس کا ایجنڈا جاری کردیا گیا، وزیر خارجہ شاہ محمود قریشی وزیراعظم عمران خان کیلئے اعتماد کے ووٹ کیلئے قرار داد پیش کریں گے۔
وزیراعظم عمران خان نے آج حکومت اور اتحادی جماعتوں کے پارلیمانی اجلاس سے گفتگو کرتے ہوئے واضح کیا کہ جو رکن ووٹ نہیں دے گا، اسے پارٹی سے فارغ کردیا جائے گا
