کراچی : محکمہ موسمیات نے شہر قائد میں آئندہ ہفتے میں دو دن تیز ہواؤں اور گرج چمک کے ساتھ بارشوں کی پیش گوئی کی ہے۔
اے آر وائی نیوز کے مطابق محکمہ موسمیات نے پیش گوئی کی کہ مون سون ہوائیں بیس ستمبر کی شام یا رات ملک کے بالائی علاقوں میں داخل ہوجائیں گی۔
محکمہ موسمیات کے مطابق کراچی سمیت ملک کے مختلف علاقوں میں 23 سے 25 ستمبر تک مون سون بارشوں کا امکان ہے۔
ترجمان محکمہ موسمیات نے پیش گوئی کی کہ 23 سے 24 ستمبر کے دوران کشمیر، اسلام آباد، راولپنڈی، اٹک، چکوال، جہلم، لاہور اور دیگر علاقوں میں تیز ہواؤں اور گرچ چمک کے ساتھ بارش ہوسکتی ہے۔
ان دنوں میں جنوبی پنجاب، بلوچستان کے مشرقی علاقوں اور صوبہ سندھ میں بھی تیز بارشوں کا امکان ہے۔
محکمہ موسمیات نے بتایا کہ کراچی، حیدرآباد، میرپور خاص، تھر پارکر، عمر کوٹ، سانگھڑ، ٹھٹہ، بدین، دادو، شہید بینظیرآباد، سکھر ، لاڑکانہ میں بھی تیز ہواؤں اور گرج چمک کے ساتھ جبکہ چند علاقوں میں موسلا دھار بارش کا بھی امکان ہے۔
محکمہ موسمیات نے بتایا کہ 25 ستمبر کے بعد گرمی کی شدت میں کمی آجائے گی۔
