بھارتی حکومت کی زیرنگرانی ، سکھوں کو خالصتانی ایجنٹ قراردینے والا جعلی اکاﺅنٹس کا نیٹ ورک پکڑا گیا

لندن(ڈاکٹر اختر گلفام سے)سکھوں کو خالصتانی ایجنٹ قرار دینے والا جعلی اکاونٹس کا نیٹ ورک پکٹرا گیا ہے جو براہ راست بھارتی حکومت کے انڈر کام کر رہا تھا۔سینٹر فار انفارمیشن ریزیلئنس (سی آئی آر) نامی غیر منافع بخش تنظیم کی اس رپورٹ میں نیٹ ورک کے کئی اکاونٹس کی نشان دہی کی گئی جو متعدد سوشل میڈیا ویب سائٹس پر پائے گئے۔ ان اکاونٹس پر ایک جیسے نام، تصاویر (پروفائل اور کوور فوٹوز) اور پوسٹیں شائع کی جا رہی تھیں۔کئی اکاونٹس پر معروف شخصیات کی پروفائل فوٹو لگائی گئی، جیسے پنجابی فلم انڈسٹری کی اداکاراوں کی۔اس نیٹ ورک میں ٹوئٹر، فیس بک اور انسٹاگرام پر اکاونٹس کی مدد سے ہندو قوم پرست نظریات اور انڈین حکومت کی حمایت میں خیالات کو فروغ دیا جا رہا تھا۔جب کہ سکھوں کو دہشت گرد،خالصتانی،جگھڑالو،ملک دشمن،غدارگردانا گیا ہے۔رپورٹ کے مطابق یہ اکاونٹس سکھوں کی آزادی کے کسی بھی خیال کو ’انتہا پسندی‘ قرار دیتے تھے، کسانوں کے مظاہروں کو ’غیر قانونی‘ کہتے تھے جبکہ ان کا دعویٰ تھا کہ احتجاج کرنے والے کسانوں کو ’خالصتانی دہشتگردوں نے ہائی جیک کر لیا ہے۔‘رپورٹ کے مصنف بنجمن سٹریک کا خیال ہے کہ بظاہر اس نیٹ ورک کا مقصد ’سکھوں کی آزادی، انسانی حقوق اور اقدار جیسے اہم مسائل پر رائے تبدیل کرنا تھا۔‘اس نیٹ ورک کے اب تک 80 اکاو¿نٹس کی نشان دہی کی گئی ہے۔ سوشل میڈیا پر ان پروفائلز کو جعلی ہونے کی بنا پر اب معطل کر دیا گیا ہے۔مزید اکائ ونٹس کی کھوج جاری ہے۔اس سے پہلے پاکستان کے خلاف 750 سے زاید انفو لیب کے نام سےویب سایٹس بیلجیم میں پکڑی گی تھں جو پاکستان کے خلاف زہر اگلتی تحیں