ڈھاکہ: ایشین ہاکی چیمئنز ٹرافی کی تیسری پوزیشن کے میچ میں بھارت نے پاکستان کو شکست دے دی ہے۔
بنگلادیش کے دارالحکومت ڈھاکہ میں کھیلے گئے ایشین ہاکی چیمپئنز ٹرافی کے تیسری پوزیشن کے میچ میں بھی پاکستان کو بھارت کے ہاتھوں شکست ہوگئی ہے جبکہ بھارت نے پاکستان کو 4 گول کے مقابلے میں 3 گول سے شکست دی ہے۔
پاکستان ہاکی ٹیم کی ایونٹ میں کارکردگی مایوس کن رہی جبکہ پاکستان ہاکی ٹیم ایونٹ میں صرف ایک میچ جیتنے میں کامیاب رہی ہے۔
واضح رہے کہ ایشین ہاکی چیمئز ٹرافی کا فائنل آج جنوبی کوریا اور جاپان کے درمیان کھیلا جائے گا جبکہ جنوبی کوریا پاکستان اور جاپان بھارت کو شکست دے کر فائنل میں پہنچا ہے۔
ایشین ہاکی چیمئز ٹرافی کے پہلے سیمی فائنل میں جنوبی کوریا نے پاکستان کو 5-6 سے شکست دی تھی جبکہ جاپان نے بھارت کو لیگ میچ کی شکست کا بدلہ لیتے ہوئے 3-5 سے شکست دے کر ایونٹ سے باہر کردیا تھا۔ لیگ میچ میں بھارت نے جاپان کو 0-6 سے شکست دی تھی۔
یاد رہے کہ لیگ میچ میں بھی پاکستان کو بھارت کے ہاتھوں شکست کا سامنا کرنا پڑا تھا، اس میچ میں بھارت نے پاکستان کو1-3 سے شکست دی تھی۔
