19جنوری کو الیکشن کمیشن کے سامنے احتجاج کریں گے، مطالبہ ہے کہ فارن فنڈگ کیس کا ایک مہینے میں فیصلہ کیا جائے، پی ڈی ایم دھاندلی کی پیداوار حکومت کو گھر بھیج کردم لے گی۔ سیکر ٹری جنرل ن لیگ احسن اقبال کی پریس کانفرنس

لاہور(ویب ڈیسک ) پاکستان مسلم لیگ ن کے سیکر ٹری جنرل احسن اقبال نے کہا ہے کہ عمران خان کیخلاف اسرائیل ،بھارتی فنڈنگ کے ثبوتوں کو چھپایا جارہا ہے،19جنوری کو الیکشن کمیشن کے سامنے احتجاجی مظاہرہ کریں گے،پی ڈی ایم کی تحریک ٹائم ٹیبل کے مطابق آگے بڑھ رہی ہے، دھاندلی کی پیدا وارحکومت کوگھر بھیج کردم لیں گے۔انہوں نے پریس کانفرنس کرتے ہوئے کہا کہ پی ڈی ایم اجلاس نے حکومتی دعوؤں پر پانی پھیر دیا ہے۔ کل کے اجلاس کے بعد پی ڈی ایم پہلے سے زیادہ مضبوط ہوگیا۔ ہمارا مقصد 70 سال سے جاری غلط نظام تبدیل کرنا اور  سیاست ، معیشت اور سیکیورٹی کی تکون کومضبوط کرنا ہے۔ کیونکہ اسی فرسودہ نظام  نے ملکی معیشت کو مستحکم ہونے سے روک رکھا ہے۔

پی ڈی ایم کی تحریک ٹائم ٹیبل کے مطابق آگے بڑھ رہی ہے۔

پی ڈی ایم کی تحریک حکومتی ہتھکنڈوں سے متاثر نہیں ہو گی۔ حکومت دھاندلی کی پیدا وار ہے اس کو گھر بھیج کردم لیں گے۔ پی ڈی ایم کی تحریک حکومتی ترجمانوں کے پروپیگنڈے سے متاثر نہیں ہوگی۔ انہوں نے کہا کہ  19جنوری کو الیکشن کمیشن کے سامنے احتجاجی مظاہرہ کریں گے، عمران خان 6 سال سے فارن فنڈنگ کیس میں این آراو لے کر سیاست کررہے ہیں، اگر فارن فنڈنگ کیس اگر میرٹ پرفیصلہ ہوجائے تو عمران خان اور پی ٹی آئی کی سیاست ختم ہوجائے گی، کیونکہ عمران خان کے پیچھے ملک دشمن اسرائیل اور بھارتی فنڈنگ کے ثبوت موجود ہیں،ان کے ثبوتوں کو چھپایا جارہا ہے۔ان پر کاروائی نہیں ہونے دی جارہی، ہم یہ سوال پوچھنے میں حق بجانب ہیں نوازشریف کا کیس ہوتو چھ مہینے میں فیصلہ جبکہ عمران خان کیس کا فیصلہ چھ چھ سال نہیں ہوتا، یہی وہ این آراو ہے جو عمران خان کے پاس ہے، یہ مدرآف این آراو ہے، سپریم کورٹ کی ہدایت ہے کہ اس کیس کا میرٹ پر فیصلہ کیا جائے، ہم الیکشن کمیشن بھی گئے، اسٹیٹ بینک کی رپورٹ ریکارڈ پر موجود ہے کہ عمران خان نے درجنوں بینک اکاؤنٹس الیکشن کمیشن سے چھپائے ہیں، جبکہ پی ٹی آئی بیرون ملک مقیم پاکستانیوں کے کروڑروپوں سے یہاں گلچھڑے اڑائے گئے، اسٹیٹ بینک نے اس چوری کو پکڑا ہے۔ہم مطالبہ کرتے ہیں کہ فارن فنڈگ کیس کا ایک مہینے میں فیصلہ کیا جائے۔ نیب اور ایف آئی اے کرپشن کے دیگرکیسوں کا نوٹس کیوں نہیں لیتی۔ اپوزیشن پر الزام لگا کریہ لوگ اپنی کرپشن پر پردہ ڈال رہے ہیں۔ حکومت اپوزیشن کو مسلسل محاذ آرائی کی طرف دھکیل رہی ہے۔ مزید برآں مسلم لیگ (ن) پنجاب کے صدر رانا ثنا اللہ نے میڈیا سے گفتگو میں کہا کہ حکومت نے 3 ماہ اپوزیشن کے جلسوں پر توجہ دینے کے سوا کچھ نہیں کیا، منی لانڈرنگ کی تحقیقات کرلیں ملنا کچھ بھی نہیں، نااہل ٹولے کو اتار کر ملک و قوم کی جان چھڑائی جائے گی۔پی ڈی ایم کی تحریک سے عوامی دبا میں اضافہ ہوتا رہے گا۔ گزشتہ روز پی ڈی ایم کے اجلاس میں کچھ لوگوں کا خیال تھا کہ استعفے لانگ مارچ سے پہلے دینے چاہئیں، اس حوالے سے پیپلز پارٹی نے حالات کے مطابق موقف دیا۔ ہم استعفے دیں گے اور اسمبلیوں کو تحلیل کیا جائے گا، یکم فروری کو لانگ مارچ کا فیصلہ ہو گا، اسی میں پڑا ئوکا فیصلہ ہو گا، فیصلہ کن لانگ مارچ کے بعد استعفوں کا فیصلہ ہو گا، سب کو پتا ہے راولپنڈی میں پڑا ہوا تو کہاں ہو گا۔

جمعیت علما اسلام کے سربراہ مولانا فضل الرحمان کا کہنا ہے کہ جو قانون میرے حقوق صلب کرے گا میں اسے نہیں مانتا۔

ایک سوال کے جواب میں مولانا فضل الرحمان نے کہا کہ ہم نے ارکان اسمبلی سے استعفے مانگے جو ہمیں مل گئے، ہم نے31 جنوری تک استعفے جمع کروانے کی مہلت دی ہے، ابھی 31 جنوری آئی ہی نہیں۔

نیب سے متعلق بات کرتے ہوئے مولانا فضل الرحمان کا کہنا تھا کہ نیب کٹھ پتلی ادارہ ہے، ہم اس کے احتساب کو تسلیم نہیں کرتے۔

سربراہ پی ڈی ایم کا کہنا تھا کہ جو قانون میرے حقوق صلب کرے گا میں اسے نہیں مانتا۔

مذاکرات سے متعلق سوال پر مولانا فضل الرحمان نے کہا کہ بات چیت کے دروازے بند نہیں کیے جاتے لیکن بات چیت کس سے کریں؟

جے یو آئی میں ٹوٹ پھوٹ سے متعلق سوال پر مولانا فضل الرحمان کا کہنا تھا کہ میری جماعت میں ٹوٹ پھوٹ کا نہیں،کانٹ چھانٹ کا عمل شروع ہوا ہے۔

اسلاآباد(خبریں، چینل ۵، ویب ڈیسک) سابق سفیر عاقل ندیم نے کہا ہے کہ سی پیک پاکستان کے لیے اہم ترین منصوبے سے پاکستان کو اس منصوبے پر کسی بھی ملک کی مخالفت کی پرواہ کیے بغیر منصوبے کو مکمل کرنا چاہیے۔ سی پیک منصوبے کی بدولت پاکستان میں لوڈشیڈنگ میں نمایاں کمی آئی اور نیا مواصلاتی نظام تشکیل پارہا ہے امریکہ اور بھارت چین کی وجہ سے اس پراجیکٹ کی مخالفت کر رہے ہیں۔ بھارت میں مودی کی حکومت کے ہوتے ہوئے پاکستان اور بھارت کے باہمی تعلقات میں بہتری کا کوئی امکان نہیں ہے البتہ بھارت میں حکومت کی تبدیلی کی صورت میں تعلقات بہتر ہوسکتے ہیں۔ افغانستان میں پاکستان کے بارے میں منفی تاثر پایا جاتا ہے۔ اس تاثر کو ضائل کرنے کے لیے پاکستان افغانستان کے حوالے سے ایک نئی میڈیا سٹریٹجی کی ضرورت ہے۔ امریکہ میں جوبائیڈن کے چارج سنبھالنے کے بعد امریکہ اور چین کشیدگی میں کمی آئے گی۔ لیکن دونوں ممالک کے درمیا ن مقابلہ جارہے گا۔ پاکستان کی اپنی بعض غلطیوں کی وجہ سے عرب ممالک کے ساتھ تعلقات خراب ہوئے۔ ان خیالات کا اظہار انہوں نے خبریں کو انٹرویو دیتے ہوئے کہا۔

وزیراعلیٰ عثمان بزدار نے کہا ہے کہ پی ڈی ایم نے 2020 میں ترقی کا پہیہ روکنے کی پوری کوشش کی، عوام نے اپوزیشن کی منفی سیاست کو یکسر رد کیا، نئے سال میں معیشت نئی بلندیوں کو چھوئے گی۔

وزیراعلیٰ پنجاب عثمان بزدار نے اپنے بیان میں کہا ہے کہ 2021ء کا پاکستان ماضی کی نسبت زیادہ خوشحال، مضبوط اور ترقی یافتہ ہوگا، انشاء اللہ 2021ء عوام سے کئے گئے وعدوں کی تکمیل کا سال ہوگا، پی ڈی ایم کو نئے سال پر انتشار کی سیاست سے کنارہ کشی اختیار کر کے پاکستان کے لئے سوچنا ہوگا۔

عثمان بزدار کا کہنا تھا کہ نئے سال میں وزیر اعظم عمران خان کی قیادت میں ترقی کا سفرمزید تیز ہوگا، 2020ء میں معیشت کی مضبوطی کی بنیاد رکھی گئی، وزیراعظم عمران خان کی قیادت میں ایک پاکستان کی جدوجہد جاری رہے گی، ہمارا عزم درپیش چیلنجز سے زیادہ بلند ہے۔

وزیراعلیٰ پنجاب نے مزید کہا کہ 2021 پاکستانی قوم کیلئے امید کی کرن ثابت ہوگا، پاکستان کو پر امن اور حقیقی فلاحی ریاست بنانے کے لئے کوئی کسر اٹھا نہیں رکھیں گے، ہمیں سال 2020ء کو الوداع اور نئے سال کو خوش آمدید کہتے ہوئے اپنی کامیابیوں اور ناکامیوں کا بھی جائزہ لینا ہوگا، مشکل حالات سے گزرنے اور ماضی کی کوتاہیوں سے سبق سیکھ کر مستقبل میں اصلاح کے عزم کے ساتھ آگے بڑھیں گے۔