وکٹوریہ سٹی:
ہانگ کانگ نے کورونا وبا کی پانچویں لہر کے تناظر میں پاکستان اور بھارت سمیت 8 ممالک سے آنے والی پروازوں پر دو ہفتے کی پابندی کا اعلان کیا ہے۔
غیرملکی خبررساں ادارے ’راٹرز‘ کے مطابق ہانگ کانگ کی رہنما کیری لام نے بتایا کہ آسٹریلیا، کینیڈا، فرانس، بھارت، پاکستان، فلپائن، برطانیہ اور امریکا سے آنے والی پروازوں بشمول انٹر چینجز پر 8 جنوری سے 21 جنوری تک پابندی ہوگی۔
کیری لام نے کہا کہ کورونا وبا کی پانچویں لہر متوقع ہے جس کے بارے میں کسی بھی اعلان ہوسکتا ہے۔
خیال رہے کہ ہانگ کانگ میں 38 نئے کورونا وائرس کیسز ریکارڈ کیے گئے لیکن صرف ایک لوکل ٹرانسمیشن تھا جبکہ باقی وہ لوگ تھے جو شہر واپس آئے تھے اور قرنطینہ کے دوران مثبت ٹیسٹ آئے۔
اس حوالےسے کیری لام نے کہا کہ ہمیں خدشہ ہے کہ مقامی سطح پر غیر محسوس طریقے سے ٹرانسمیشن تبدیلی ہو سکتی ہیں۔
رہنما نے کہا کہ حکومت ’بچوں کے فائدے کے لیے‘ فی الحال کلاسز معطل نہیں کرے گی۔
