سڈنی: (ڈیلی خبریں) دنیائے کرکٹ پر راج کرنے والے شین وارن نے میڈیکل استثنیٰ پر آسٹریلیا میں انٹری پانے والے نمبر ون ٹینس سٹار نواک جوکووچ کو آل آؤٹ کر دیا، اس فیصلے کو شرمناک قرار دیتے ہوئے سوالات کی بوچھاڑ کر دی۔
کورونا ویکسی نیشن معاملے پر سربین ٹینس سٹار کی ویزہ منسوخی پر عدالتی جنگ جیتنے پر انٹری بھی متنازع ہو گئی، لیجنڈری لیگ سپنر شین وارن نے نوواک جوکووچ کو استثنیٰ دینے کو شرمناک قرار دے کر انگلی اٹھا دی۔
اپنے ٹوئٹر پیغام میں سوالیہ انداز اپنایا کہ کیا یہ سچ ہے کہ نواک جوکووچ کا سولہ دسمبر کو کورونا ٹیسٹ مثبت آیا اور وہ اگلے ہی دن ایک تقریب میں شریک تھے، اگر ایسا ہے تو انہیں ویکسی نیشن کے بغیر میلبورن میں داخلہ کیسے ہوا اور یہ اجازت کس نے دی۔
BRISBANE, AUSTRALIA - NOVEMBER 23: Shane Warne of the Channel Nine commentary team watches on as he waits to go to air before play day one of the First Test Match of the 2017/18 Ashes Series between Australia and England at The Gabba on November 23, 2017 in Brisbane, Australia. (Photo by Mark Kolbe/Getty Images)
