ملک بھر میں امریکی ڈالر کے مقابلے میں روپیہ تگڑا

کراچی: (ویب ڈیسک) ملک بھر میں امریکی ڈالر کے مقابلے میں پاکستانی روپیہ تگڑا ہوگیا۔
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے آخری کاروباری روز کے دوران انٹر بینک میں روپے کے مقابلے میں ڈالر کی قیمت میں کمی آئی، امریکی کرنسی کی قدر 31 پیسے گراوٹ کے بعد 176 روپے 38 پیسے سے کم ہو کر 176 روپے 7 پیسے ہو گئی ہے جبکہ اوپن مارکیٹ میں ڈالر 1 پیسے کمی کے بعد 177 روپے 50 پیسے کا ہوگیا ہے۔