یمن : (ویب ڈیسک) یمن کے صوبے البیداء میں ایک آنکھ والے بچے کی پیدایش نے ڈاکٹروں کو حیران و پشیمان کر دیا۔
گلف نیوز کی رپورٹ کے مطابق بچے کی پیدائش البیداء کے علاقے رداع شہر میں ہوئی اور بچے کے چہرے پر ایک آنکھ واضح تھی۔
یمن سے تعلق رکھنے والے ایک صحافی کریم زارعی کی جانب سے بچے کی تصویر سوشل میڈیا پر پوسٹ کی گئی جس میں انہوں نے لکھا کہ تقریباً 5 صدیوں میں دنیا بھر میں صرف 6 بچے ایک آنکھ کے ساتھ پیدا ہوئے ہیں۔
ڈاکٹروں نے بتایا کہ بچے کی آنکھ کی جگہ پر ایک سوراخ تھا اور بصارت کی ایک ہی رگ موجود تھی تاہم بچہ زیادہ دیر تک زندہ نہ رہ سکا اور پیدائش کے 7 گھنٹے بعد ہی دنیا سے چلا گیا۔
