تل ابیب: (ویب ڈیسک) صیہونی فورسز نے مقبوضہ مغربی کنارے میں مزید تین فلسطینی نوجوانوں کو شہید کر دیا ہے۔
اسرائیلی فوجیوں کی جانب سے یہ خونریزی رمضان المبارک کے آغاز پر ہوئی ہے، مغربی کنارے کے شہر جنین کے پناہ گزین کیمپ میں اسرائیلی فوج نے فلسطینی نوجوانوں کو اس وقت گولیوں سے بھون ڈالا جب وہ علاقے میں تلاشی لے رہے تھے۔
فلسطینی وزیراعظم نے واقعے کو ماورائے عدالت اقدام قرار دیا ہے، رواں ہفتے میں اسرائیلی فوج کی جانب سے اب تک 6فلسطینی نوجوانوں کو شہید کیا جا چکا ہے۔
